Charašci: Ja zacikaŭleny ŭ tym, kab niepraduziata pakazać situacyju ŭ Biełarusi
Ja zacikaŭleny ŭ tym, kab u svaim dakładzie niepraduziata pakazać situacyju ŭ Biełarusi, u tym liku pazicyju biełaruskaha ŭrada, jaho bačańnie isnych prablem i šlachi ich vyrašeńnia»,— zajaviŭ śpiecdakładčyk pa situacyi ŭ Biełarusi Rady pa pravach čałavieka (RPČ) AAN Mikłaš Charašci 18 lutaha na sustrečy ź biełaruskimi žurnalistami ŭ Kijevie.
Pavodle słoŭ Charašci, padčas pracy nad dakładam, jaki pavinien być pradstaŭleny na siesii RPČ u červieni hetaha hoda, jon pakul zmoh sustrecca tolki z pradstaŭnikami hramadzianskaj supolnaści Biełarusi. Pryčym usie sustrečy prachodzili za miežami Biełarusi, bo aficyjny Minsk nie pryznaje jaho mandat śpiecdakładčyka i nie daje dazvołu na vizit u krainu.
Ciapier Charašci čakaje adkazu na svoj čarhovy zvarot za biełaruskaj vizaj.
U hetym zacikaŭlena i Rada AAN pa pravach čałavieka, i viarchoŭny kamisar pa pravach čałavieka, — padkreśliŭ Charašci. — Ja zapytvaŭ biełaruskuju vizu niekalki razoŭ, ale pakul pytańnie nie było vyrašany stanoŭča. I ŭsio ž, my nie hublajem nadziei, što biełaruskija ŭłady pačnuć z nami paŭnacenna supracoŭničać. Bo heta ŭ intaresach jak usiaho biełaruskaha naroda, tak i ŭrada».«Majo samaje vialikaje žadańnie — kab supracoŭnictva z uradam Biełarusi było b takim ža poŭnym, jak ciapier z hramadzianskaj supolnaściu.
U pracy nad dakładam Charašci vialikuju ŭvahu nadaje pytańniu pra najaŭnaść palitviaźniaŭ u Biełarusi, umovy ŭtrymańnia ŭ biełaruskich turmach, vykanańnie asnoŭnych palityčnych i hramadzianskich pravoŭ.
«Moj budučy dakład skiravany ŭ tym liku na toje, kab dapamahčy biełaruskim uładam vykanać rekamiendacyi Savieta pa pravach čałavieka i viarchoŭnaha kamisara ŭ śfiery vykanańnia pravoŭ čałavieka. Akramia taho, važnaj častkaj majoj pracy źjaŭlajecca i vypracoŭka maich ułasnych rekamiendacyj uradu dla palapšeńnia situacyi», — paviedamiŭ Charašci.
Rašeńnie pra ŭviadzieńnie mandata śpiecyjalnaha dakładčyka pa situacyi ŭ Biełarusi było pryniata Radaj AAN pa pravach čałavieka ŭ červieni 2012 hoda. U listapadzie taho ž hoda śpiecdakładčykam byŭ pryznačany Mikłaš Charašci.
Kamientary