DAI Miensku papiaredžvaje ab mahčymym padtapleńni niekatorych vulic stalicy ad mocnych daždžoŭ.
U suviazi z paharšeńniem umoŭ nadvorja, mocnym daždžom i mahčymaj navalnicaj, Dziaržaŭtainśpiekcyja Minska papiaredžvaje ab mahčymym padtapleńni niekatorych vulic stalicy.
Kab nie było zatoraŭ, DAI prosić paźbiahać učastki, na jakich mahčyma padtapleńnie prajeznaj častki, u pryvatnaści, na praśpiekcie Pieramožcaŭ, 75; na vulicach Tałstoha, Traścianieckaj, 10, Kabuškina, 36, na ŭčastkach prajeznaj častki ad vulicy Hromava da praśpiekta Alimpijski; ad praśpiekta Pieramožcaŭ da vulicy Ihnacienki, ad praśpiekta Niezaležnaści da bulvara Tałbuchina, ad vulicy Kalinina da vulicy Knoryna, ad praśpiekta Dziaržynskaha da praśpiekta Žukava, u rajonie administracyi Maskoŭskaha rajona — na praśpiekcie Dziaržynskaha.
Dziaržaŭtainśpiekcyja pierakanaŭča prosić hramadzian na čas niespryjalnych umoŭ nadvorja admovicca ad pajezdak na svaich aŭtamabilach, a kali pa niejkich pryčynach heta niemahčyma — być vielmi ŭvažlivymi i aściarožnymi, zachoŭvać chutkasny režym i dystancyju biaśpieki.
Kamientary