Były palitviazień Alaksandr Małčanaŭ nie zmoža vyjści daterminova z kałonii ŭ Navasadach pad Barysavym. Pra heta jon paviedamiŭ u liście hramadskaj aktyvistki Taćciany Kim, ź jakoj rehularna listujecca.
«Napisaŭ, što niadaŭna chadziŭ na kamisiju, dzie jamu admovili va ŭmoŭna-daterminovym vyzvaleńni, bo ŭ jaho jość niepahašanyja pakarańni za parušeńni. Dadaŭ, praŭda, što inšaha jon i nie čakaŭ».
- Žychar Barysava Alaksandr Małčanaŭ letaś uviesnu byŭ pryznany vinavatym u kradziažy mietałałomu ź miascovaha zavoda i asudžany na 1,5 hoda źniavoleńnia. U 2011 hodzie Alaksandr Małčanaŭ byŭ asudžany da źniavoleńnia pieršy raz — tady jon atrymaŭ 3 hady źniavoleńnia za ŭdzieł u mitynhu pratestu suproć falšavańnia prezidenckich vybaraŭ 19 śniežnia 2010 hoda. Małčanaŭ byŭ pamiłavany Alaksandram Łukašenkam i vyjšaŭ na volu ŭ vieraśni 2011 hoda. Praz paŭhoda jaho znoŭ zatrymali, abvinavaciŭšy ŭ kradziažy mietałałomu. Małady čałaviek davodziŭ, što jaho nikudy nie brali na pracu, i kab pražyć, jon musiŭ źbirać metałałom. Dziela hetaha jon i prajšoŭ na terytoryju miascovaha zavoda ciažkich štampovak, jakaja nie achoŭvałasia, dzie i byŭ zatrymany.
U liście da aktyvistki Taćciany Kim Alaksandr Małčanaŭ paviedamiŭ pra siabie, što praciahvaje navučacca na pracoŭnych kursach i ŭ volny čas čytaje knihi. Na volu Alaksandr Małčanaŭ maje vyjści ŭletku 2013 hoda.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary