Adziny ŭ vobłaści. Baćki ŭ Homieli nazvali syna redkim imiem z kultavaha bandyckaha sieryjała
U siamji Taćciany i Alaksieja Barchalenkaŭ raście pieršyniec ź vielmi redkim imiem — Kosmas. Jon staŭ adzinym dziciem z takim imiem va ŭsioj Homielskaj vobłaści.
— Usio pačałosia ź siamiejnaha prahladu sieryjała. Kosmasam zvali adnaho z hałoŭnych hierojaŭ. Imia adrazu prypała da dušy, ale my jašče razvažali. U radzilni ŭ syna znajšli pryrodžanuju pnieŭmaniju i terminova adpravili ŭ abłasnuju dziciačuju balnicu. Za ŭsim hetym pra imia zhadali, kali treba było choć niejak zapisać dzicia. U hałavie, akramia Kosmasa, varyjantaŭ nie było, voś tak imia stała aficyjnym, — raskazała Taćciana «SB».
Siabry i svajaki reahujuć na niezvyčajny vybar pa-roznamu, a sami sužency łaskava nazyvajuć synočka Kasmanaŭcikam.
— Kali rabiła tort na pieršy dzień naradžeńnia syna, to ŭpryhožyła kasmanaŭtam i płanietaj z maściki. Dy i z padarunkami na nastupnyja śviaty hałavu łamać nie treba. Jak padraście, padorym teleskop, — uśmichajecca Taćciana.
Taćciana i Alaksiej pieražyvali, što da asablivaha imia ŭ carkvie pastaviacca niehatyŭna. Ale bajalisia darma — maleńkaha Kosmasa nazvali Kaśmoj.
— Dumajem, što redkaje imia stanie bonusam u jaho žyćci. Takoje dzicia niezaŭvažanym nie zastaniecca. Dy i charaktar sfarmujecca adpaviedny: dobry, čuły, aktyŭny, jaki imkniecca da vialikich met. Usie vakoł zamiłoŭvajucca, kali znajomiacca z synam. Mnohija spačatku nie vierać, a tamu časta pradstaŭlajem jaho adrazu ź imiem pa baćku — Kosmas Alaksiejevič.
Kosmas — adzin z hałoŭnych hierojaŭ kultavaha rasijskaha sieryjała «Bryhada», jakoha syhraŭ Dźmitryj Dziužaŭ. Kosmas, pavodle scenaryja, taksama nie mianuška, a sapraŭdnaje imia: jahony baćka, člen-karespandent AN SSSR, daŭ synu redkaje hreckaje imia, ličačy, što toj zmoža mnohaha dabicca ŭ žyćci. Kosmas staŭ adnym sa stvaralnikaŭ złačynnaj hrupoŭki.
Kamientary