I zhadaŭ, jaki nakaz nakont Niaklajeva jamu daŭ Hienadź Buraŭkin.
Palitołah i litaraturaznaŭca, były palitviazień Alaksandr Fiaduta zhadaŭ u TOKu, jak u 2010 hodzie paklikaŭ u palityku paeta Uładzimira Niaklajeva. Padčas tych vybaraŭ Niaklajeŭ byŭ adnym z kandydataŭ u prezidenty. Na Płoščy padčas pratestaŭ paeta źbili, a paśla kinuli ŭ SIZA KDB.
Patencyjał lidara jon pabačyŭ u im, kali pačuŭ, jak Niaklajeŭ čytaje svaje vieršy.
«Kali ŭ čałavieka budzie kamanda, budzie toj aŭtamabil, na jaki možna pastavić ściažok, — jon pajedzie. Spačatku stvaryli toj aŭtamabil (havorka pra kampaniju «Havary praŭdu», lidaram jakoj u 2010 hodzie staŭ Niaklajeŭ. — NN). I nieviadoma było, chto budzie —siarod apazicyjnych palitykaŭ nu nikoha niama.
My siadzieli tahačasnaj kamandaj abmiarkoŭvali. Ja nazvaŭ Niaklajeva. Na mianie pahladzieli jak na varjata. I skazali: «Dyk jon ža pje». A ja ŭžo viedaŭ, što Niaklajeŭ šmat hadoŭ nie pje. Heta dziakuj jahonaj žoncy Volzie. I ŭrešcie rešt jon čałaviek valavy, sam za siabie ŭziaŭsia. (…) Dva dni siadzieli hadali, paśla ŭsie skazali «tak».
Paśla sam Niaklajeŭ vyrašyŭ pravieryć Fiadutu. Jon pryvioŭ jaho da svajoj pieršaj žonki.
«Jon pryvioŭ mianie da jaje papić harbaty. My siadzieli razmaŭlali. Paśla ja siadžu, jon vyjšaŭ kudyści, jana sa mnoj parazmaŭlała-parazmaŭlała, jon viarnuŭsia, i jana kaža jamu: «Vałodzia, ty jamu vier, jon tabie nie zdradzić». (…) Jon pryvioŭ mianie da čałavieka, jaki kachaŭ jaho jašče tady, kali jon byŭ nikim, da čałavieka, jaki byŭ starejšym za mianie i, jak usialakaja žančyna, jana adčuvała b niebiaśpieku».
Nakaz nakont Niaklajeva Fiaducie taksama daŭ paet Hienadź Buraŭkin.
«Jon skazaŭ: «U mianie hadzinu tamu byŭ Vałodzia. Ty razumieješ, kudy ty jaho ŭciahvaješ?» — «Tak». — «Ty mnie pavinien paaabiacać, — skazaŭ Buraŭkin, — što ź im ničoha nie zdarycca. Ty za jaho adkazvaješ. Ty razumieješ, chto heta?». Ja kažu: tak.
A vy viedajecie, nivodny paet nie zdoleje vyznać, što jon numar dva, bo kožny paet numar adzin. Buraŭkin mnie skazaŭ: «Jon apošni hienij biełaruskaj paezii. Ty za jaho adkazvaješ pierad narodam. Ty heta razumieješ?» Ja kažu: tak. «Idzi, ja budu Vałodziu telefanavać». Prakopavič [Niaklajeŭ] viedaje, što ja słova strymaŭ».
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ17
Kamientary
Z usioj vialikaj u toj čas prapanovy, jon uhledzieŭ samaha jamu, vynikaje, patrebnaha lidara.
Ni vočy, ni rozum Fiadutu, treba dumać, u 94-m nie padviali, jamu ūhledzeć lidara, jak vaviorcy ŭ voka strelić... Jakija mohuć być sumnievy?... 🤭
Padobna, što vynik zastajecca nieasaznany, a vysnovy nia zrobleny dasiul... Ułasna, i chren by z im, z vynikam, u dadzienym, pryvatnam vypadku... Alie jaho niasie ŭžo treciaje pakalennie, a pieršaje ŭžo sychodzić u łepšy śviet. Pakłapaciŭsia, dyk pakłapaciŭsia...