Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj

Śviatłana Cichanoŭskaja nazvała Płan Pieramoha — prajekt, jakim zajmaŭsia były siłavik Alaksandr Azaraŭ i «Bajpoł», — pamyłkaj. Azaraŭ adkazaŭ na hetyja słovy.

«Ci staŭ by ja kamientavać mierkavańnie traktarysta ci dajarki ab tym, što karcina Salvadora Dali «niepryhožaja»? Nie.

Tamu što heta ich asabistaje mierkavańnie, i jany nie źjaŭlajucca śpiecyjalistami ŭ halinie mastactvaznaŭstva.

Ci staŭ by ja kamientavać słovy chatniaj haspadyni Cichanoŭskaj, jakaja vychoŭvaje dvaich dziaciej, ab tym, što Płan Pieramoha — pamyłka?

Taksama nie. Z toj ža pryčyny.

Ale siońnia — inšy vypadak.

Samaabvieščanaja na druhi termin «psieŭdalidarka», jakaja praciahvaje havaryć ad imia ŭsich biełarusaŭ, publična zajaŭlaje, što Płan Pieramoha — heta pamyłka. Voś heta — užo nahoda pakinuć svoj kamientaryj», — piša Azaraŭ u fejsbuku.

Jon śćviardžaje, što Płan Pieramoha — «adzinaja stvoranaja i pryznanaja samim ža režymam dla jaho pahroza». Źlivu danych bota, pa słovach Azarava, nie było.

«Płan Pieramoha — heta siłavy scenaryj źmieny ŭłady. Mienavita jaho spałochalisia biazzubyja palityčnyja elity Brusiela. Tamu što ŭ ich pieršapačatkova nie było mety realna adchilać Łukašenku ad ułady. U hetaj kanfihuracyi Cichanoŭskaja — usiaho tolki zručny razdražnialnik režymu, instrumient, za ŭtrymańnie jakoha płaciać tyja ž samyja elity», — piša Azaraŭ.

Słovy Cichanoŭskaj pra pamyłku Płana Pieramoha Azaraŭ usprymaje jak kamień u bok «Bajpoła» i jaho asabista, bo jon «niazručny».

«Miarkujučy pa ŭsim, Cichanoŭskaja dahetul nie moža mianie «adpuścić». Nie viedaju, radavacca hetamu ci nie. (…)

Fakt zastajecca faktam: usio, čym sistemna zajmaŭsia ofis Cichanoŭskaj apošnija try hady — heta raskoł demakratyčnaha ruchu. Skandały. Pravakacyi. Dyskredytacyja apanientaŭ. Dajšło da taho, što namahańniami «svaich adeptaŭ» byŭ dyskredytavany navat ułasny muž», — zajaviŭ Azaraŭ.

I nazvaŭ piać pamyłak Ofisa. Heta sprava Čornaj knihi Biełarusi, uzłom bota «Biełaruskaha Hajuna», sumiesnaja akcyja Ofisa i «Biełpoła», kali pa videaekranach u Biełarusi ŭklučyli vystup Cichanoŭskaj (bo niekalkich čałaviek aryštavali i zvolnili) i pašpart Novaj Biełarusi («tut pytańni tyčacca mahčymaha parušeńnia patrabavańniaŭ ahulnajeŭrapiejskaha rehłamientu pa abaronie piersanalnych danych GDPR (viadomaha ŭ Polščy jak RODO), a taksama finansavaj prazrystaści»).

Pavialičyć

• 24
• 8
• 8
• 29
• 1
• 0
• 1
• 0