Kiraŭnik MZS Siryi Valid Mualem zajaviŭ, što ŭrad prezidenta Bašara Asada hatovy da pieramovaŭ sa svaimi apanientami, u tym liku i z uzbrojenaj apazicyjaj.
Pavodle Mualema, jaki znachodzicca ź vizitam u Maskvie, siryjskija ŭłady ŭpeŭnienyja, što reformy ŭ krainie stanuć vynikam dyjałohu, a nie hvałtu.
Adnak jon jašče raz paćvierdziŭ pazicyju ŭrada, u adpaviednaści ź jakoj siryjskija vojski zmahajucca ciapier z terarystami.
Na minułym tydni asnoŭnaja hrupa siryjskaj apazicyi zajaviła, što nie siadzie za stoł pieramovaŭ z udziełam mižnarodnych pasiarednikaŭ, pakul suśvietnyja dziaržavy nie pačnuć bolš aktyŭna sprabavać spynić hvałt u krainie.
Kamientary