Madeljer Alaksandr Varłamaŭ prajšoŭ mahnitna-rezanansnuju tamahrafiju (MRT), z-za jakoj pierapyniałasia sudovaje pasiadžeńnie, paviedamiła BiełaPAN krynica, blizkaja da sudovaha pracesu. Razhlad spravy Varłamava ŭ sudzie Leninskaha rajona Minska praciahniecca 27 lutaha.
Abvinavačvany ŭ karupcyjnych złačynstvach madeljer jašče na pieršym pasiadžeńni 4 lutaha źviarnuŭsia da suda z prośbaj dać mahčymaść prajści pa najaŭnych pakazańniach MRT, adnak na toj momant nieabchodnyja dakumienty ź SIZA jašče nie pastupili. Čakałasia, što hetu praceduru Varłamavu ŭdasca prajści 15 lutaha, adnak hetaha nie adbyłosia.
Zaraz praces pa spravie Varłamava, jakuju sud Leninskaha rajona razhladaje ŭ Domie pravasudździa, znachodzicca na stadyi dopytu paciarpiełych — madelej i ich baćkoŭ, dyzajnieraŭ i h.d.: tych, chto vučyŭsia ŭ viadomaha madeljera, vyjazdžaŭ razam ź im na pakazy za miažu. Bolšaść ź ich nie ličać siabie paciarpiełymi i admaŭlajucca ad finansavych pretenzij da Varłamava, niekatoryja kažuć pra toje, što pakazańni śledstvu davali nad naciskam.
***
U jakaści paciarpiełych pa spravie prachodziać bolš jak 350 čałaviek, śviedak — bolš jak 800.
Varłamaŭ abvinavačvajecca va ŭčynieńni złačynstvaŭ, praduhledžanych č. 4 art. 209 (machlarstva ŭ asabliva bujnym pamiery), č. 3 art. 210 (kradziež u bujnym pamiery šlacham złoŭžyvańnia słužbovymi paŭnamoctvami), č. 2 art. 211 (prysvajeńnie majomaści), č. 1 art. 243 (uchileńnie ad vypłaty padatkaŭ), č. 3 art. 424 (złoŭžyvańnie słužbovymi paŭnamoctvami) Kryminalnaha kodeksa. Jon byŭ źniavoleny pad vartu 20 maja 2011 hoda.
Kamientary