14 sakavika (čaćvier). 19.00. Loft cafie (vuł.P.Broŭki, 22).
Hurt IQ48 daje viasnovy kancert, na jakim źbirajecca pakazać pieśni z svajho budučaha alboma. Muzyki kažuć, što heta budzie ich apošni vystup u siezonie, bo jany źbirajucca ščylna zasieści za pracu ŭ studyi. Razam sa «zdarovymi łasiami» na scenu Loft cafe 14 sakavika z poŭnavartasnym setam vyjduć jarkija debiutanty 2012 hoda – hurt Martin S.
IQ48 upieršyniu zaśviacilisia ŭ «tuzinoŭskich» imprezach jašče ŭ 2004 hodzie, kali vystupiŭ u miežach śviatkavańnia hadaviny partału «Tuzin Hitoŭ» u Pałacy respubliki. Niekalki dobra znajomych numaroŭ z tych časoŭ muzyki zhadajuć padčas svajho kancerta u Loft cafe. Adnak, staŭka ŭsio ž budzie zroblena na novyja pieśni. «Nikoli nie było, kab my cicharyli novyja tvory da relizu alboma. Usio adrepietavanaje novaje adrazu imkniemsia pakazać publicy, -- kaža hitaryst hurtu Jaŭhien Buzoŭski. -- Ciapier u nas u repiertuary ŭžo kala pałovy budučaha alboma. Dakładna paru-trojku novych piesień zajhrajem na hetym kancercie, moža navat bolej! Budzie taksama najlepšaje z našych usich vydadzienych albomaŭ, naturalna z papraŭkaj na naš adnosna novy hitarny saŭnd».
Martin S. źjaviŭsia na niezaležnaj biełaruskaj scenie tolki hod tamu, ale za nievialiki čas svajho isnavańnia vychodziŭ u finał na niekalkich festach, a na rok-feście «Takija pierniki-2012» pieramoh. A jašče dvojčy ŭdzielničaŭ u nacyjanalnym adbory na «Jeŭrabačańnie» i vydaŭ debiutny albom, pieśni ź jakoha možna pačuć u efiry biełaruskich i ŭkrainskich FM-stancyj. «U sakaviku nam jakraz spaŭniajecca hod, tak što dla nas i našych prychilnikaŭ vystup u «Žyvym Tuzinie» budzie asablivym. Rychtujem admysłovuju prahramu, dzie budzie niamała siurpryzaŭ», -- kažuć muzyki.
Vieści kancert «Žyvy Tuzin» pa tradycyi budzie Aleh Chamienka, muzyka i niaźmienny viadučy radyjoviersii chit-paradu «Tuzin Hitoŭ». Nie abyjdziecca sprava biez padarunkaŭ ad siabroŭ «Tuzina Hitoŭ» — kampanii «Budźma biełarusami».
Kvitki na kancert kaštujuć 80 000 rub. Z fłajeram na ŭvachodzie na 12% tańniej! Kvitki možna nabyć u kasach KVITKI BY i niepasredna ŭ kłubie pierad kancertam.
Zamović stolik: (29) 3800010.
Inšyja pytańni:(29) 6872093.
Kamientary