Rasijski telekanał nazvaŭ Tarasa Šaŭčenku paetam druhoha hatunku i zaklikaŭ nie śviatkavać jaho 200-hodździe - videa
Rasijski dziaržaŭny telekanał Orienburh pakazaŭ siužet pra toje, jak śviatkujecca199-hodździe ŭkrainskaha paeta i mastaka Tarasa Šaŭčenki ŭ Arenburzie (horad, dzie paet znachodziŭsia ŭ vysyłcy). U siužecie Kabzara nazyvajuć «paetam druhoha hatunku» i krytykujuć maštaby jaho ŭšanavańnia, bo i jaho tvorčaść, i jaho pierakanańni byli antyrasijskimi.
Repartaž strakacić vostrymi niehatyŭnymi vykazvańniami ŭ adras Kabzara. U pryvatnaści, hledačoŭ pierakonvajuć u tym, što «Šaŭčenka — paet druhoha hatunku», što «jaho lubili hitleraŭcy i vykryvaŭ Hohal», «Jon pisaŭ na niezrazumiełaj vydumanaj miestačkovaj movie», «siabravaŭ z polskimi panami, što pryhniatali ŭkrainski narod», «nie byŭ zmaharom i revalucyjanieram», «vyłučaŭ siabie z bolšaści i ličyŭ «pradstaŭnikom niejkaj nacyi».
Aŭtary siužetu robiać vysnovu, što vydzialeńnie rasijskimi ŭładami hrošaj na śviatkavańnia Dnia naradžeńnia Šaŭčenki nieapraŭdana.
Kamientary