Dla budaŭnictva pieršaj čarhiAb hetym paviedamiŭ siońnia na apieratyŭnaj naradzie ŭ Minharvykankamie načalnik KUP «Dyrekcyja pa budaŭnictvie Minskaha mietrapalitena» Pavieł Carun.3-j linii minskaha mietro patrebna śnieści 95 budynkaŭ i zbudavańniaŭ.
U zonie budaŭnictva raźmieščana 66 administracyjnych budynkaŭ i zbudavańniaŭ, jakija naležać jurydyčnym asobam, 29 žyłych damoŭ (66 kvater), ź ich 27 pryvatnych. Vosiem žyłych damoŭ užo adsieleny, pa 10 damach afarmlajucca rašeńni ab ich pieradačy ŭ haradskuju ŭłasnaść, žylcy niekalkich damoŭ nie zhodny z adsialeńniem.
Jak adznačyŭ Pavieł Carun, čakajecca, što ŭ siaredzinie krasavika pačnuć pracavać budaŭničyja placoŭki dla arhanizacyi prachodčych rabot miechanizavanym kompleksam.Na etapie prajektavańnia raspracavany padychody da źmianšeńni koštu budaŭnictva. U pryvatnaści, vyrašana stancyju «Płošča Franciška Bahuševiča» padniać na 15 mietraŭ, adyści z terytoryi histaryčnaj zabudovy (zavułak Paŭnočny), dzie byŭ praduhledžany znos troch damoŭ, aptymizavać pierakładku inžyniernych sietak.
Nietypovyja rašeńni prymianiajucca i na stancyi «Vakzalnaja» — jaje taksama padnimuć, płanujecca abstalavać naziemny viestybiul pa anałohii z maskoŭskim mietrapalitenam.
«Usio heta daść mahčymaść sekanomić biudžetnyja srodki», — adznačyŭ Pavieł Carun.
Staršynia Minharvykankama Mikałaj Ładućka daručyŭ jašče razhledzieć prapanovy prajekciroŭščykaŭ z zaprašeńniem rasijskich ekśpiertaŭ.
Treciaja linija Minskaha mitrapalitena złučyć paŭdniovyja i paŭnočnyja žyłyja masivy horada z centram, projdzie pad rakoj Śvisłač. Pieršy ŭčastak treciaj linii, jaki składajecca z čatyroch stancyj, płanujecca adkryć u 2017 hodzie.Tut budzie stvorany tak zvany transpartny trochvuholnik, što daść mahčymaść razhruzić dziejučy pierasadačny vuzieł «Kupałaŭskaja» — «Kastryčnickaja».
Z adkryćciom novaha ŭčastka mietro źjaviacca dadatkovyja pierasadačnyja vuzły «Frunzienskaja» — «Jubilejnaja» i «Płošča Lenina» — «Vakzalnaja».
Usiaho ž treciaja linija ŭklučaje siem stancyj:
«Słucki Haściniec» (pierasiačeńnie vuł. Kižavatava i vuł. Karžanieŭskaha), «Niemaršanski Sad» (pierasiačeńnie vuł. Kižavatava i vuł. Asipovickaj), «Aeradromnaja» (na terytoryi byłoha aeraportaMinsk-1 ), «Kavalskaja Słabada» (pierasiačeńnie vuł. Žukoŭskaha i vuł. Varanianskaha), «Vakzalnaja», «Płošča Franciška Bahuševiča», «Jubilejnaja płošča».
Taksama viadziecca budaŭnictva ŭčastka pradaŭžeńnia pieršaj linii mietrapalitena ad stancyi «Piatroŭščyna» da stancyi «Malinaŭka», jaho płanujecca ŭvieści ŭ ekspłuatacyju da 7 listapada 2013 hoda. Płanujecca arhanizavać raboty ŭ trochźmiennym režymie.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Kamientary