44‑hadovy Dzianis Tumaš uznačalvaŭ kampaniju «Biełnaftachim-Ros». Jaho schapili adrazu paśla viartańnia z adpačynku na Siejšełach i kinuli ŭ SIZA KDB.
«Našaj Nivie» stała viadoma pra vialikuju kryminalnuju spravu vakoł «Biełnaftachima», jakaja zakruciłasia jašče ŭ kancy 2024 hoda. Jak čaściakom adbyvajecca ŭ padobnych situacyjach, pra maštabnaje rasśledavańnie ničoha nie paviedamlałasia ŭ dziaržaŭnych ŚMI. Niama i dakładnaj infarmacyi pra toje, kolki fihurantaŭ dojdzie da suda i na jakim etapie znachodzicca praces.
Adzin z centralnych fihurantaŭ — kiraŭnik «Biełnaftachim-Ros» Dzianis Tumaš. Heta kampanija zajmajecca prodažami pradukcyi «Biełnaftachima» na rasijski rynak. Jaje zasnavalnik — dziaržaŭny Biełaruski naftavy handlovy dom.
Dzianis Tumaš naradziŭsia ŭ 1982 hodzie. Skončyŭ Minski dziaržaŭny linhvistyčny ŭniviersitet. Jon trapiŭ na pracu ŭ Akademiju navuk u toj čas, kali jaje ŭznačalvaŭ Michaił Miaśnikovič. Małady śpiecyjalist adkazvaŭ tam za markietynh, i, vidać, čymści spadabaŭsia načalniku. U 2010 hodzie Miaśnikoviča pryznačyli premjer-ministram, i Tumaš nieŭzabavie trapiŭ u aparat Savieta ministraŭ.
U bazach Belpol niama paznaki pra jaho pasadu va ŭradzie, ale susiedziam pa kamiery SIZA KDB mieniedžar pradstaŭlaŭsia byłym pamočnikam Miaśnikoviča.
Kampaniju «Biełnaftachim-Ros» Tumaš uznačaliŭ u vieraśni 2014 hoda. Adpaviedna, siamji daviałosia pierabiracca ŭ Rasiju.
Pavodle rasijskich baz, kiravaŭ «Biełnaftachim-Ros» da vieraśnia 2024 hoda. Prykładna tady jaho aryštavali za atrymańnie chabaru i adpravili ŭ SIZA KDB.
Susiedziam pa kamiery Tumaš raskazvaŭ, što niejki čas žyŭ u Majami, ale potym admoviŭsia ad amierykanskaha dazvołu na žycharstva. Aryštavali ž jaho na nastupny dzień paśla viartańnia z adpačynku na Siejšelskich astravach.
Žonka top-mieniedžara pracuje ŭ strukturach JEAES. Alisu Tumaš možna zaŭvažyć na šmatlikich cyrymanijalnych zdymkach ź mierapryjemstvaŭ arhanizacyi.
Siarod inšych aryštavanych pa spravie «Biełnaftachima» nazyvajuć imia Dźmitryja Chvajnickaha. Jon uznačalvaŭ upraŭleńnie acenki ryzykaŭ.
@nashaniva Były pamočnik premjera Michaiła Miaśnikoviča Dzianis Tumaš byŭ zatrymany ŭ ramkach vialikaj kryminalnaj spravy vakoł «Biełnaftachima» #biełaruśnovosti #biełorusy #minsksiejčas #łukašienko #činovnik ♬ stellar - .diedlonely & énouement
«Naša Niva» — bastyjon biełaruščyny
PADTRYMAĆ
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary