Prezientacyja katałoha fatahrafij Janki Kupały «Ty hetych vačej nie zabudź…»
4 krasavika 2013 a 17-j Dziaržaŭny litaraturny muziej Janki Kupały zaprašaje na prezientacyju katałoha fatahrafij Janki Kupały sa zboru muzieja Pieśniara.
Katałoh «Ty hetych vačej nie zabudź…» — pieršaja sproba navukovaha apisańnia fatahrafij paeta. U im pradstaŭleny 206 adzinak zachoŭvańnia z fondavaj kalekcyi «Fotazdymki Janki Kupały. Janka Kupała ŭ hrupavych fotazdymkach». Mnohija z fatahrafij utrymlivajuć darčyja nadpisy, jakija raskryvajuć uzajemaadnosiny Janki Kupały ź viadomymi asobami.
Vydańnie źmiaščaje jak šyrokaviadomyja fatahrafii pieršaha narodnaha paeta Biełarusi, tak i ŭnikalnyja, jakija publikujucca ŭpieršyniu.
Admietnaściu katałoha źjaŭlajecca najaŭnaść pobač z vyjavami Janki Kupały ŭspaminaŭ i dakumientalnych materyjałaŭ pra paeta, historyju stvareńnia peŭnaj fatahrafii, padziei z žyćcia tvorcy. Heta daje mahčymaść nie tolki daviedacca, jak vyhladaŭ Janka Kupała ŭ roznyja hady, ale i ŭjavić asiarodździe paeta, jaho adnosiny da padziej, jaki adbyvalisia ŭ krainie i ŭpłyvali na losy ludziej.
Katałoh fatahrafij Janki Kupały «Ty hetych vačej nie zabudź…» — uniosak supracoŭnikaŭ muzieja paeta ŭ spravu źbieražeńnia i papularyzacyi Kupałavaj spadčyny i dałučeńnia da jaje šyrokich kołaŭ hramadstva.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary