Za lhotnuju rasiejskuju naftu ŭłady mohuć častkova raspłacicca fłahmanam biełaruskaj mikraelektroniki.
Havorka idzie pra abjadnańnie AAT «Intehrał» z chołdynham «Rasiejskaja elektronika».
Miechanizm intehracyi aktyvaŭ chołdynhu «Rasiejskaja elektronika», jaki ŭvachodzić u dziaržkarparacyju «Rastechnałohii», i minskaha AAT «Intehrał» pavinien być adpracavany da kanca sakavika.Takaja zadača była pastaŭlenaja pa vynikach praviedzienych 13 sakavika ŭ Maskvie pieramovaŭ pieršaha vice-premjera ŭrada Biełarusi Uładzimira Siamaški i vice-premjera rasiejskaha ŭrada Arkadzia Dvarkoviča.
Jak paviedamiŭ u sakaviku žurnalistam hiendyrektar «Intehrała» Vital Saładucha, «pakul usio znachodzicca na stadyi pieramovaŭ, padpisanaje pahadnieńnie ab kanfidencyjalnasci, nichto nie maje prava ničoha vydavać». U toj ža čas Saładucha raspavioŭ, što prahrama pa techničnym pieraŭzbrajeńni «Intehrała» raśpisanaja da 2020 hoda, i ŭ joj praduhledžanyja vialikija abjomy inviestycyj. A ŭ jakaści hałoŭnaha inviestara razhladajecca mienavita «Rasiejskaja elektronika».
«Intehrał» vypuskaje bolš za miljard mikraschiem i stolki ž paŭpravadnikovych pryboraŭ za hod. Heta najbujniejšaj pradpryjemstva ŭ Centralnaj i Uschodniaj Jeŭropie ŭ svajoj halinie.Pry hetym amal 80% jaho pradukcyi ŭ 2012 hodzie było ekspartavana ŭ Rasieju.
Kamientary