Arhanizatar konkursa Belarus Press Photo Zamiroŭski: My prosta zajmajemsia fatahrafijaj
Učora stała viadoma, što albomy Belarus Press Photo 2011, kanfiskavanyja na pamiežnym pierachodzie «Kamienny łoh» 12 listapada 2012 hoda, chočuć pryznać ekstremisckimi. «NN» źviazałasia z arhanizataram konkursa Belarus Press Photo Vadzimam Zamiroŭskim, kab daviedacca pra padrabiaznaści spravy.
«NN»: Na Vašu dumku, čamu takoje adbyłasia mienavita ciapier?
Vadzim Zamiroŭski: Ja nie mahu adkazvać za dziejańni siłavych strukturaŭ, ale vidać, jany surjozna nastrojeny na źniščeńnie albomaŭ.
«NN»: Jak vy płanujecie abaraniacca ŭ sudzie?
VZ: Ja daviedaŭsia ab pryznańni albomaŭ ekstremisckimi tolki ŭčora ŭviečary, jašče nie paśpieŭ sabracca z dumkami. Płanuju źviarnucca da jurystaŭ i ŭ BAŽ.
«NN»: Jak na hety vypadak adreahavali kalehi?
VZ: Jakaja moža być reakcyja… Kali kazać vielmi miakka — heta dziŭna. Uvieś nakład byŭ razmytnieny i svabodna pradavaŭsia. Pryčym jon nie prosta pradavaŭsia, a pradaŭsia. Zastavałosia 40 apošnich albomaŭ, jakija vazili na vystavy i jakija ŭrešcie skanfiskavali. Da taho ž, u konkursie ŭdzielničali fatohrafy jak niezaležnych, tak i dziaržaŭnych ŚMI, a sami fotazdymki publikavalisia ŭ pieryjadyčnych vydańniach i źjaŭlalisia ŭ stužkach infarmacyjnych ahienctvaŭ.
«NN»: Ci płanujecie vydavać nastupny albom?
VZ: Tak, jość takija namiery.
«NN»: Ci isnuje mahčymaść, što ciapierašniaja situacyja paŭpłyvaje na los alboma i na sam konkurs?
VZ: Biassprečna isnuje. Jak minimum, raspaŭsiud padobnaj infarmacyi, jaki nijakim čynam nielha kantralavać, moža stvaryć staŭleńnie da fotakonkursa jak da niečaha palityčna anhažavanaha i adpudzić ad jaho mahčymych udzielnikaŭ. Ale ž nasamreč heta nie tak — my zajmajemsia fatahrafijaj.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary