Jość mahčymaść supracoŭnictva ź Biełaruśsiu, a adna ź śfier dla biźniesu — turyzm i roznyja jaho vidy, zaachvočvańnie miedycynskaha turyzmu, skazała na IX Mižnarodnym biełaruska-litoŭskim ekanamičnym forumie ministr ekanomiki Birute Viesajcie.
«Rost inviestycyj u Biełarusi pakazaŭ, što biełaruski rynak cikavy i pierśpiektyŭny. Chaciełasia b pryvieści prykład -- dva bujnyja hulcy litoŭskaha rynku bačać mahčymaść inviestycyj u Biełarusi, niahledziačy na niestabilnaje jurydyčnaje asiarodździe dla inviestycyj. Nie mahu nie zhadać i jašče adnu važnuju śfieru ŭ supracoŭnictvie dźviuch krain - turyzm. Dziaržaŭny departamient pa turyźmie aktyŭna supracoŭničaje z pradprymalnikami biełaruskaha turystyčnaha siektara", — skazała ministr.
Jana adznačyła, što biełaruskija pradprymalniki hetaha siektara byli ź vizitam u Litvie, adnak ich mahło b pryjazdžać i bolš, kali b palehčyli pytańnie atrymańnia viz. Pavodle jaje słoŭ, mahli b raźvivać nie tolki turyzm, ale i miedycynski turyzm.
Viesajcie nahadała, što ŭ apošnija piać hadoŭ pavialičyłasia kolkaść turystaŭ ź Biełarusi: ŭ 2012 h. Litvu naviedali 400 tys. čałaviek, heta na 18% bolš, čym u 2011 h.
«Kali b palehčyli vizavaje pytańnie, to ich kolkaść mahła b i pavialičycca», — prahnazuje ministr.
Viesajcie skazała, što jość jašče niavykarystanyja reziervy dla supracoŭnictva pamiž Litvoj i Biełaruśsiu.
«Pierśpiektyva zaachvočvańnia supracoŭnictva ź Biełaruśsiu jość: stvaryć spryjalnyja i kankurentnyja ŭmovy dla inviestycyj i pradprymalnikaŭ», — patłumačyła ministr.
Kamientary