«Čarnobylski šlach» — anłajn, fota, videa

21:30

Aksanu Rudovič i Irynu Arachoŭskuju adpuścili z Savieckaha RUUS, papiarednie pierahledzieŭšy videa, jakoje jany zdymali.

21.22

Jak paviedamiła radyjo "Svaboda", zatrymany Ihar Truchanovič znachodzicca ŭ Savieckim RUUSie. Irynu Suchij, Vasila Siniuchina, Kanstancina Kirylenku, Volhu Kanavałavu adpuścili ź Pieršamajskaha RUUSa.

21:02

Z'ŭlajecca infarmacyja, što žurnalistak NN Aksanu Rudovič i Irynu Arachoŭskuju zatrymali paśla taho, jak jany źniali źbićcio anarchista Ihara Truchanoviča. Zatrymańnie adbyłosia ŭ tralejbusie №40. Milicyjanty ŭ cyvilnym sačyli za žurnalistami ad prypynku, zajšli śledam u tralejbus, vyvieli ich, pierasadzili ŭ sini "Falksvahien" i dastavili ŭ Savieckaje RUUS.

20:58

Vital Rymašeŭski paviedamiŭ, što akcyja skončanaja.

20:57

Vystupili taksama staršynia BNF Alaksiej Janukievič, jaki adznačyŭ, što sajuz z Rasijaj viadzie da niebiaśpieki. Jon uzhadaŭ, jak u 1986 asadžvali čarnobylskija chmary na Biełaruś. «Kramlu było plavać na biełarusaŭ», — skazaŭ Janukievič.

Hienadź Fiadynič z prafsajuza REP pračytaŭ vierš, pryśviečany źnikłym ad radyjacyi vioskam. Byli vystupy maładziejšych palitykaŭ — Maryi Chomič i Artura Fińkieviča — suprać budaŭnictva AES u Astraŭcy.

20:48

Pačaŭsia mitynh. Pieršym vystupaje pradstaŭnik BCHD Vital Rymašeŭski, jaki začytvaje rezalucyju akcyi. Siarod punktaŭ značycca admova ad budaŭnictva Astravieckaj AES i vyzvaleńnie palitviaźniaŭ. Udzielniki zaćviardžajuć rezalucyju apładysmientami.

20:38

Nieviadomyja ŭ tralejbusie zatrymali žurnalistak «NN» Aksanu Rudovič i Irynu Arachoŭskuju.

20:34

Kamientar udzielnicy:

Častka ludziej admaŭlajecca zachodzić u zaharadku. Stajać hrupkami ci špacyrujuć miž drevaŭ. Častka ŭdzielnikaŭ šeścia, prajšoŭšy ŭvieś maršrut, prosta skiroŭvajecca dadomu. Unutry za turnikietami dosyć volna. Voddal sceny hrupa śvietłaj moładzi pad bieł-čyrvona-biełym ściaham śpiavaje «Sonca nam dapamoža».

Ryhor Kastusioŭ zaklikaŭ udzielnikaŭ padychodzić bližej da sceny.

20:25

Vital Rymašeŭski paviedamlaje, što praz turnikiety nie prapuskajuć miehafon. Jon, Kastusioŭ i dosyć vialikaja hrupa žurnalistaŭ kirujucca da punktu propusku. Pačynajecca dyskusija ź śpiecnazaŭcami. Padčas jaje ź milicejskaj racyi hučyć vyjaŭnaje "aparaturu nie prapuskać". Adnak praz kolki chvilin palityki ŭhavorvajuć milicyju, i dva miehafony pranosiać na abharodžanuju terytoryju.

20:19

Anatol Labiedźka raskazaŭ karespandentu NN, što milicyja spadziavałasia znajści ŭ jahonaj mašynie ŭlotki. Navat byŭ padrychtavany adpaviedny pratakoł. Kali ž ničoha nie znajšli, to byli vymušanyja adpuścić palityka. Jon prosta z Astraŭca pryjechaŭ na akcyju.

20:16

Kamientar udzielnika, jaki pryjšoŭ razam z synam:

20:14

Pačaŭsia nadhlad udzielnikaŭ. Jak pieradaje naš karespandent, adbyvajecca jon z asablivaj pilnaściu. Śpiecnazaŭcy ŭhladajucca ŭ zaplečniki i torby, abšukvajuć i starych, i maładych mietałašukalnikami. Mahčyma, praz heta budzie nievialikaja zatrymka ŭ časie.

20:11

Placoŭka ŭ Parku Družby narodaŭ abharodžanaja turnikietami ź niekalkimi ŭvachodami. Kala ich dziažurać śpiecnazaŭcy, u tym liku ŭ krapavych baretach. Traplajucca i śpiecnazaŭki.

20:09

Na chodnikach kala płoščy Banhałor svaje knižki pradajuć piśmieńnik Kastuś Travień i muzyčny krytyk Vitaŭt Martynienka.

20:06

19:57

19:55

Sustaršynia BCHD Vital Rymašeŭski zajaviŭ, što ŭ akcyi ŭdzielničaje 2000 čałaviek. Ludzi ŭžo pobač z Banhałoram.

19:50

Ludzi ŭ cyvilnym niezadavolenyja. Jak piša ŭ fejsbuku Illa Zaranok: «Čałaviek ź videakamieraj u rukach kaža: «Zaniacca im niama čym, chodziać, taŭkucca, inšych kłopataŭ niama».

19:48

Lidar «Ekadoma» Iryna Suchij pakinutaja ŭ pastarunku Pieršamajskaha rajona na try hadziny. Milicyjantam patrebien hety čas, kab «vyśvietlić» asobu zatrymanaj.

19:45

Na dadzieny momant u akcyi ŭdzielničaje kala 700 čałaviek. Adnak u samyja pikavyja momanty, mabyć, kolkaść udzielnikaŭ była blizkaja da tysiačy.

19:44

Udzielniki ŭ čornych maskach skandujuć: «Na zarpłaty dienieh niet — na AES ušieł biudžiet!»

Padrastaje maładaja źmiena, jakaja ŭžo pakrysie pierajmaje estafietu mitynhaŭ. Chłapčuki dy dziaŭčatki niasuść bieł-čyrvona-bieły ściah z emblemaj-zorkaj BCHD:

19:42

Hałava kałony ŭžo dajšła da ŭniviersama «Ryha».

Ludziej padajecca bolš, čym kala kinateatra, ale, mahčyma, taki efiekt stvarajecca praz raściahnutaść kałony. U adzin šerah razam mohuć iści maksimum piać čałaviek.

Pradstaŭniki ŁHBT-supolnaści sioleta arhanizavana na akcyju nie vyjšli, u adroźnieńni ad piaperednich hadoŭ.

19:31

Udzielnikaŭ trochu paboleła. Niekatoryja prosta dałučajucca padčas šeścia.

Chvost kałony pierajšoŭ vulicu Jakuba Kołasa.

Adzin z udzielnikaŭ, jak pieradajuć našy karespandenty, pryjšoŭ na akcyju z maleńkim sabačkam.

19:24

Novaje videa:

19:23

Ciapier ludziej ad vychada na prajeznuju častku strachujuć DAIšniki. AMAPaŭcaŭ amal nie zastałosia, choć na praśpiekcie ačapleńnie stajała vyklučna ź ich.

Chłopcy ź miehafonami praśpiavali «Nie być skotam». Ciapier ad ich hučyć «Hraj».

19:18

Čas ad času kałonie sihnalać sustrečnyja mašyny. Nievialikaja častka ludziej idzie ź inšaha boku vulicy Surhanava.

19:16

19:13

Kałona ruchajecca nie vielmi chutka. Hałava šeścia znachodzicca kala Doma druku.

Upieršyniu prahučali łozunhi «Svabodu palitviaźniam». Paśla čaho pačałosia pieraličeńnie palitviaźniaŭ pa adnym. «Statkieviču -- svabodu!», «Daškieviču -- svabodu!» i h.d.

19:06

U šeści biare ŭdzieł kala 500 čałaviek. Jašče dzieści 100 čałaviek zastalisia stajać na placoŭcy la «Kastryčnika». Na Banhałor jany nie pajšli.

U hałavie kałony dva maładziony ź miehafonami, jakija "zavodziać" udzielnikaŭ, hukajučy «Žyvie Biełaruś» i «Nie — AES u Biełarusi».

Anarchisty pryciahvajuć da siabie ŭvahu vyhukami: «Da čaho dajšoŭ prahres: niama zdaroŭja — jość AES». Jašče jany trymajuć raściažku: «AES — cacka kapitała».

19:01

Niekatoryja ŭdzielniki trymajuć samarobnyja płakaty z nadpisami «Astraviec = Čarnobyl».

19:00

Kałona tolki što kranułasia. Pačałosia šeście.

18:59

Z prykołaŭ akcyi: adzin śpiecnazaviec pastaviŭ padnožku pastaviŭ inšamu. Toj pavaliŭsia. Pieršy staić rahoča, druhi ž vycirajecca ad pyłu.

Šmat indyvidualnych akcyj. Chłopiec chipsterskaha vyhladu trymaje ŭ rukach płakat farmatu A3 z nadpisam: «Ty b jašče pad ž… u siabie pabudavaŭ. Mama».

Anarchisty skandujuć: «Mirnym atam nie byvaje».

18:56

Pieršaje videa z akcyi.

18:54

Chłopcy u marlevych paviazkach razdajuć ulotki «Na AES ušieł biudžiet, na zarpłaty dienieh — niet». Piensijaniery šmatznačna pieramaŭlajucca: «Heta — anarchisty».

Ryhor Kastusioŭ abvieściŭ pra pačatak farmiravańnia kałony. Ludzi stali na chodnikach praśpiekta. Čakajuć pačatak ruchu. Niekalki dziasiatkaŭ śpiecnazaŭcaŭ stali kala praśpiekta, kab nie puskać udzielnikaŭ na prajeznuju častku.

18:42

Na mitynhu, miarkujecca, vystupiać Alaksiej Janukievič, Vital Rymašeŭski i niechta z sacyjał-demakrataŭ.

Jość adzinočny pikiet: «Apazicyja, dzie moj Spartak?» Jaje arhanizatar šukaje mužnych ludziej, jakija b mahli pavieści narod za saboj.

Upieršyniu prahučali vokličy «Žyvie Biełaruś». Jość niamała ludziej u mascy Haja Foksa, jaje jašče nazyvajuć maskaj Ananimusaŭ.

Na akcyi prysutničaje mastak Alaksiej Maračkin, małady palityk Artur Fińkievič, śviatar Leanid Akałovič.

18:35

La "Kastryčnika" staić kala 500 čałaviek. Ź viadomych ludziej taksama jość paet Hienadź Buraŭkin, skulptar Aleś Šaternik (z rovaram), palityk Vital Rymašeŭski.

Na dachu Akademii navuk raźmiaščajucca niejkija dziŭnyja ludzi, jakija sočać za akcyjaj.

18:30

Maksim Viniarski z «Jeŭrapiejskaj Biełarusi» staić z płakatam «U Biełarusi dźvie biady», na jakim vyjavy Čarnobylskaj AES i Alaksandra Łukašenki ŭ chakiejnaj formie.

Ź viadomych ludziej na akcyi prysutničaje publicyst Anatol Sidarevič, Natalla Adamovič, dačka piśmieńnika Alesia Adamoviča, jaki adkryvaŭ hramadstvu praŭdu pra Čarnobyl. Na mierapryjemstvie prysutničaje japonski aśpirant-fizik Jasuchira Iharašy, jaki pryjechaŭ na akcyju z Varšavy, dzie vučycca.

18:19

Adna z udzielnic akcyi źbiraje hrošy dla dzietak chvorych na rak. Svaje ŭlotki razdajuć pradstaŭniki «Jeŭrapiejskaj Biełarusi».

Na akcyi jość staraja charuhva Partyi BNF. Uźniaty pieršy bieł-čyrvona-bieły ściah, da jakoha prymacavanaja žałobnaja stužačka.

18:17

Nou-chau sioletniaj akcyi: niekatoryja supracoŭniki śpiecsłužbaŭ nie prosta ŭ cyvilnym i z navušnikami, ale jašče i zaplečnikami. Raniej takoha nie było. Zakos pad udzielnikaŭ?

Na placoŭcy kala kinateatra ciapier čałaviek 200. Z čarnobylskim zvonam pryjšli pradstaŭniki Partyi BNF Alaksiej Janukievič i Ryhor Kastusioŭ. AMAPaŭcaŭ nie tak šmat.

18:08

U dvarach na vulicy Kuźmy Čornaha zatrymali ekołahaŭ. Staršyniu antyjadziernaj kampanii Taćcianu Novikavu, staršyniu arhanizacyi «Ekadom» Irynu Suchij i Volhu Kaskievič z «Zialonaj sietki». Padrabiaznaści zatrymańnia pakul vyśviatlajucca.

Na vulicy Daraševiča staić AMAPaŭskich aŭtazaki i kala 7 milicejskich aŭtobusaŭ. Jašče try aŭtazaki pryparkavanyja na vulicy Broŭki.

18:01

Lidara AHP Anatola Labiedźku vypuścili z Astavieckaj milicyi, paviedamlaje pres-słužba partyi.

16.33

Niezaležnych žurnalistaŭ Alaksandra Barazienku i Nastaśsiu Jaŭmien, zatrymanych u Astraŭcy, vypuścili z RAUS. Pra heta paviedamlaje sajt HA «BAŽ». Ź ich videakamiery vydalili siońniašni zapis.

15.46

U Astraŭcy zatrymany staršynia Abjadnanaj hramadzianskaj partyi Anatol Labiedźka. Pra heta palityk paviedamiŭ BiełaPAN.

Labiedźka čakaŭ vyrašeńnia situacyi z zatrymanymi žurnalistami kala budynka RAUS. «Spačatku nijakich pytańniaŭ da mianie ŭ milicyi nie ŭźnikła. Adnak zatym da mianie padyšoŭ adzin ź ich i prapanavaŭ prajści ŭ RAUS u suviazi z tym, što ŭ horadzie vyjavili niejkija ŭlotki», — paviedamiŭ Labiedźka.

13.09

Niezaležnyja žurnalisty Alaksandr Barazienka i Nastaśsia Jaŭmien zatrymanyja dniom 26 krasavika ŭ Astraŭcy. Zatrymańnie adbyłosia ŭ 13:03.

Žurnalisty rabili repartaž z naviedvańnia lidarami AHP — Anatolem Labiedźkam, Ivanam Krukom i Mikałajem Ułasievičam — placoŭki Astravieckaj AES.

«My pasprabavali prajści na placoŭku AES, — paviedamiŭ ucpb.org A.Labiedźka. — Na placoŭku nas nie dapuścili, Šlach zastupili supracoŭniki KDB i kryminalnaha vyšuku, pryčym jak staličnyja, tak i miascovyja, i z achovy stancyi. Nie davali mahčymaści źniać. Žurnalistaŭ zabrali pisać piśmovaje tłumačeńnie, adabrali kamieru».

* * *

26 krasavika ŭ Minsku projdzie tradycyjnaja štohadovaja akcyja, pryśviečanaja čarhovym uhodkam katastrofa na Čarnobylskaj AES.

«Čarnobylski šlach-2013» sankcyjanavany ŭładami.

Pačniecca šeście ad kinateatra «Kastryčnik» nasuprać Akademii navuk. Zbor pryznačany na 18.30.

Šeście projdzie pa vulicy Surhanava da parku Družby narodaŭ, dzie adbudziecca mitynh. Zatym projdzie ŭskładańnie kvietak da Čarnobylskaj kaplicy.

Hałoŭnaje patrabavańnie «Čarnobylskaha šlachu — 2013» — admiena budaŭnictva Astravieckaj atamnaj elektrastancyi.

Aprača admieny budaŭnictva AES udzielniki «Čarnobylskaha šlachu» majuć namier patrabavać adnaŭleńnia dziejnaści zakona ab sacabaronie hramadzian, jakija paciarpieli ad avaryi na ČAES, davańnia hramadzianami praŭdzivaj i poŭnaj infarmacyi ab nastupstvach katastrofy, a taksama realnaj mahčymaści dazimietryčnaha kantrolu spažyvieckich tavaraŭ i navakolnaha asiarodździa.

Hladzicie taksama:

«Čarnobylskija šlachi»: jak heta było. Kadry z šeściaŭ i mitynhaŭ za 24 hady

***

Pavodle źviestak Biełstata, na pačatak 2013 hoda ŭ zonie radyjeaktyŭnaha zabrudžańnia znachodzilisia 2.393 nasielenyja punkty (28 haradoŭ i pasiołkaŭ haradskoha typu i 2.365 sielskich nasielenych punktaŭ), abo 10,1% usich nasielenych punktaŭ Biełarusi.

Na hetych terytoryjach pražyvajuć 1.142,6 tys. čałaviek, abo 12,1% usioj kolkaści nasielnictva krainy.

Najbolš paciarpiełymi ŭ vyniku katastrofy źjaŭlajucca Homielskaja, Bresckaja i Mahiloŭskaja vobłaści.

U Homielskaj vobłaści na pačatak hetaha hoda na terytoryi, zabrudžanaj radyjenuklidami, pražyvali 886,4 tys. čałaviek (62,1% usiaho nasielnictva vobłaści), u tym liku haradskoha nasielnictva — 679,2 tys. čałaviek, sielskaha — 207,2 tys. čałaviek.

U zonie radyjeaktyŭnaha zabrudžańnia na terytoryi Bresckaj vobłaści pražyvali 115,4 tys. čałaviek (8,3%), u tym liku haradskoha nasielnictva — 55,6 tys., sielskaha — 59,8 tys.

Na zabrudžanaj radyjenuklidami terytoryi Mahiloŭskaj vobłaści pražyvali 112,4 tys. čałaviek (10,4% usiaho nasielnictva vobłaści), u tym liku haradskoha — 49,5 tys., sielskaha — 62,9 tys.

U vyniku pierasialeńnia žycharoŭ i palapšeńnia radyjeaktyŭnaha stanovišča kolkaść nasielenych punktaŭ na zabrudžanaj radyjenuklidami terytoryi za 10 hadoŭ skaraciłasia na 409, a kolkaść nasielnictva, jakoje pražyvaje ŭ zonach radyjeaktyŭnaha zabrudžańnia, — na 327,9 tys.

Čaćviorty enierhabłok ČAES uzarvaŭsia 26 krasavika 1986 hoda ŭ 1 hadzinu 23 chviliny. Hetaja avaryja stała samaj bujnoj u historyi čałaviectva technahiennaj katastrofaj.

Niahledziačy na toje što stancyja raźmieščana va Ukrainie, kala horada Prypiać, bolš jak 70% radyjenuklidaŭ asieła na terytoryi Biełarusi. Ad nastupstvaŭ avaryi paciarpieli prykładna 2 młn. žycharoŭ krainy, u tym liku bolš za paŭmiljona dziaciej. Ź sielskahaspadarčaha abarotu vyviedziena 2 młn. 64 tys. kvadratnych kiłamietraŭ sielhasuhodździaŭ.

• 0
• 0
• 0
• 0
• 0
• 0
• 0
• 0