Dziaržaŭny doŭh Biełarusi na 1 krasavika 2013 hoda skłaŭ 131,7 trłn. rubloŭ i pavialičyŭsia ŭ paraŭnańni z pačatkam 2013 hoda na 3 trłn. rubloŭ, abo na 2,3%.
Jak paviedamlaje Ministerstva finansaŭ, pavieličeńnie dziarždoŭhu ŭ 2013 hodzie ŭ najbolšaj stupieni abumoŭlena rostam źniešniaha dziaržaŭnaha doŭhu.
Unutrany dziaržaŭny doŭh na 1 krasavika 2013 hoda skłaŭ 26,3 trłn. rubloŭ, pavialičyŭšysia z pačatku 2013 hoda na 0,5 trłn. rubloŭ.
Pavieličeńnie ŭnutranaha dziarždoŭhu ŭ 2013 hodzie abumoŭlena raźmiaščeńniem valutnych dziaržaŭnych ablihacyj dla jurydyčnych i fizičnych asob i rostam aficyjnaha kursu dołara ZŠA ŭ adnosinach da biełaruskaha rubla, adznačajuć u Minfinie.
Źniešni dziarždoŭh na 1 krasavika 2013 hoda skłaŭ 12,2 młrd. dołaraŭ ZŠA, pavialičyŭšysia z pačatku hoda na 149,9 młn. dołaraŭ ZŠA (z ulikam kursavoj roźnicy).
U 2013 hodzie pryciahnuta 569,2 młn. dołaraŭ ZŠA, u tym liku čaćviorty tranš kredytu Antykryzisnaha fondu JeŭrAzES u 440 młn. dołaraŭ ZŠA, 72,2 młn. dołaraŭ ZŠA pa kredytach bankaŭ KNR i 40,7 młn. dołaraŭ ZŠA pa kredycie ŭrada RF na mety budaŭnictva AES, paviedamlaje Minfin.
Ažyćcioŭlena płanavaje pahašeńnie źniešniaha dziaržaŭnaha doŭhu na 330 młn. dołaraŭ ZŠA, u tym liku vykanańnie abaviazacielstvaŭ pierad MVF pa kredycie "stend-baj" — 265,6 młn. dołaraŭ ZŠA.
Kamientary