Pa kolkaści źmieščanych partretaŭ Łukašenki «Źviazda» namnoha apiaredžvaje «Sovietskuju Biełoruśsiju».
Hazeta «Źviazda» u pačatku 90-ch vyhladała davoli demakratyčna. Tut byvali i Šuškievič, i Paźniak, i navat spadar Łukašenka. Paśla prychodu apošniaha da ŭłady ŭ redakcyju zavitvaŭ i spadar Fiaduta, jaki prapanoŭvaŭ hazecie stać prezydenckaj. «Paraimsia z kalektyvam», — byŭ jamu tady adkaz hałoŭnaha redaktara Uł. Narkieviča.
Kalektyŭ źviazdoŭcaŭ vykazaŭsia suprać. I tady hrošy i «baćkava» padtrymka papłyli ŭ «Sovietskuju Biełoruśsiju», a «Źviazda» trapiła ŭ apału.
Ale ci była taja apała? I ci jość jana ciapier?
Maładyja žurnalisty nie padniali ŭ hazecie nivodnaj prablemy z tych, jakimi žyvie hramadztva, bjuć čałom Łukašenku (chacia j pad pseŭdanimami). Biełaruskaha duchu ŭ hazecie niama. Heta bačna i pa staronkach «Źviazdy», jakija poŭniacca elementarnymi faktalahičnymi dy hramatyčnymi pamyłkami. Źnikli ź ich prablemy kultury, zachavańnia spadčyny, movy. Padličana, što pa kolkaści źmieščanych partretaŭ Łukašenki hazeta namnoha apiaredžvaje «Sovietskuju Biełoruśsiju». (Darečy, hałoŭny redaktar «SB» Pavieł Jakubovič pavinšavaŭ kaleh z 90-hodździem ź vialikim spaźnieńniem.)
Svoj jubilej kalektyŭ, jak i naležyć žurnalistam absłuhi, adznačyŭ pjankaj za prafsajuzny košt. Kažuć, pierad tym byli padzielenyja ŭznaharody, jakija kiraŭnik dziaržavy, Pałata pradstaŭnikoŭ i ŭradavyja ŭstanovy buduć uručać tolki praź miesiac. Jakija farmuloŭki buduć hučać pry ŭručeńni ŭznaharodaŭ — ciažka skazać. Nakład hazety za apošnija hady źniziŭsia da nieprystojnaści, finansavy stan — krytyčny. Kali ŭličyć źniknieńnie biełaruskamoŭnaj hazety «Čyrvonaja źmiena» i praktyčnaje spynieńnie vychadu časopisu «Biełaruskaja dumka», dyk, mahčyma, likvidacyja čakaje i «Źviazdu». Kvalifikavanaje vyniščeńnie biełaruskaści praciahvajecca.
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
-
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
-
I voś pytańnie: heta narmalna, kali biełaruski palityk pieršyja intervju daje nie biełarusam, a niemcam i rasijaninu?
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary