Sudom Leninskaha rajona Minska piedafił asudžany da 13 hadoŭ pazbaŭleńnia voli z pazbaŭleńniem prava zajmacca piedahahičnaj dziejnaściu na piać hadoŭ.Pra heta paviedamiŭ staršy pamočnik prakurora Leninskaha rajona Alaksandr Svatko, jaki padtrymlivaŭ dziaržaŭnaje abvinavačańnie.
Pavodle jaho słoŭ, minčanin 1990 hoda naradžeńnia, jaki pracavaŭ psichołaham u škole, byŭ zatrymany z dokazami złačynstva 3 lutaha 2012 hoda. U sudzie dakazana niekalki epizodaŭ złačynnaj dziejnaści, što adnosiacca da 2008—2012 hadoŭ, u dačynieńni da 12 paciarpiełych — chłopčykaŭ 10—14 hadoŭ. Złačynstvy ŭčynialisia ŭ roznych miescach. Kali ŭ mašynie, to zdymalisia na videarehistratar.
Mužčyna pryznany vinavatym va ŭčynieńni złačynstvaŭ, praduhledžanych č. 3 art. 167 (nasilnyja dziejańni sieksualnaha charaktaru, učynienyja ŭ adnosinach da zaviedama małaletniaha), art. 168 (pałavyja adnosiny i inšyja dziejańni sieksualnaha charaktaru z asobaj, jakaja nie dasiahnuła 16-hadovaha ŭzrostu), č. 2 art. 343 (vyrab i raspaŭsiudžańnie parnahrafičnych materyjałaŭ ci pradmietaŭ parnahrafičnaha charaktaru) Kryminalnaha kodeksa.
Pryhavor rajonnaha suda byŭ vyniesieny 30 krasavika. Abvinavačany paličyŭ pakarańnie zanadta strohim i abskardziŭ jaho.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary