Siamja adnaho z padazravanych u zabojstvie sałdata Li Ryhbi ŭ łondanskim Vuličy vystupiła z aficyjnaj zajavaj i vykazała spačuvańni blizkim zahinułaha,
piša The Guardian. «Nijakija našy słovy nie zmohuć źmianić padziej minułaha tydnia. Tym nie mienš my jak siamja chočam raździalić z astatnimi žach ad žorstkaha zabojstva Li Ryhbi», — havorycca ŭ zvarocie svajakoŭ Majkła Adebaładža.
Tam adznačajecca, što ŭ śviecie niama miesca dla žorstkaści ŭ imia relihii ci palityki. «My vierym, što ŭsie dabramysnyja členy hramadstva padzialajuć hety punkt hledžańnia, dzie b jany ni naradzilisia i jakimi b ni byli ich palityčnyja i relihijnyja pohlady», — padkreślivaje siamja Adebaładža.
Svajaki mierkavanaha zabojcy taksama paviedamili, što vierać u vierchavienstva zakona i ŭ pryciahnieńnie vinavatych da adkaznaści.
«Heta adzinaja zajava, jakuju my chočam zrabić. Prosim, kab pa dalejšyja kamientary da nas nie źviartalisia», — dadali blizkija Adebaładža.
Kamientary