Unutrany valutny rynak zastajecca zbałansavanym, adnak jaho stan u istotnaj miery farmirujecca pad uździejańniem płaciežnaha bałansu i ŭ hetym kirunku zachoŭvajucca šerah mahčymych ryzykaŭ.Pra heta zajaviŭ na pašyranym pasiadžeńni praŭleńnia Nacyjanalnaha banka Biełarusi namieśnik staršyni praŭleńnia Siarhiej Kalečyc, vystupleńnie jakoha publikuje majski numar «Bankovskoho viestnika».
Da liku mahčymych ryzykaŭ namieśnik staršyni Nacbanka adnios źnižeńnie ekanamičnaj aktyŭnaści ŭ Rasii, krainach ES i skaračeńnie źniešniaha popytu, siezonnaje paharšeńnie ciaham hoda źniešniaha handlu.
Ryzyki taksama źviazany, na dumku rehulatara, z mahčymym zapavolvańniem pryciahnieńnia bankami zamiežnych resursaŭ i ŭźniknieńniem devalvacyjnych čakańniaŭ u nasielnictva ŭ druhoj pałovie hoda.«Z ulikam adznačanych ryzykaŭ nieabchodna pryniaćcie šerahu mier pa pavyšeńni ŭstojlivaści valutnaha rynku», — zajaviŭ Kalečyc.
U asnovie ŭstojlivaści rynku i stabilnaści nacyjanalnaj valuty pavinna lažać zbałansavanaść źniešniaha handlu, miarkuje jon. Pradstaŭnik Nacbanka nahadaŭ, što prahnoz
«Raźvićcio ekspartu źjaŭlajecca pryjarytetnaj zadačaj ekanamičnaj palityki, bo heta asnova ŭstojlivaha ekanamičnaha rostu», — padkreśliŭ Kalečyc.
Adnačasova z hetym, miarkuje namieśnik staršyni Nacbanka, nieabchodna prymać ekanamičnyja miery pa strymlivańni impartu, u tym liku na asnovie abmiežavańnia zališniaha ŭnutranaha popytu.
«Niedapuščalnym źjaŭlajecca praca na skład. Heta nie tolki vymyvaje abarotnyja srodki pradpryjemstvaŭ, ale i sadziejničaje zachavańniu vysokaha pramiežkavaha impartu biez adpaviednaha ekspartu», — padkreśliŭ namieśnik staršyni praŭleńnia Nacbanka.
Nahadajem, na 1 maja składskija zapasy biełaruskich pradpryjemstvaŭ byli roŭnyja amal 33,4 trłn. rubloŭ i pavialičylisia ŭ paraŭnańni z pačatkam hoda bolš jak na 11 trłn. rubloŭ.
Kamientary