Dyrektar Instytuta lesu Nacyjanalnaj akademii navuk Biełarusi Alaksandr Kavalevič ličyć ekanamična metazhodnym narychtoŭku draŭniny ŭ rajonach, zabrudžanych u vyniku Čarnobylskaj katastrofy, paviedamlaje BiełTA.
Kavalevič śćviardžaje, što draŭnina na terytoryjach z uzroŭniem zabrudžvańnia ad 15 da 40 Kiury na kvadratny kiłamietr maje pavyšany radyjacyjny fon tolki na źniešniaj častcy stvała. Ale kali sčyścić karu, na vychadzie budzie «ekałahična čystaja draŭnina», jakaja ŭ dalejšym moža być «vykarystana ŭ meblevaj i inšych halinach pramysłovaści».
Pavodle padlikaŭ navukoŭca, abjom narychtoŭki «čarnobylskaj» draŭniny moža dasiahnuć niekalki miljonaŭ kubičnych mietraŭ u hod. Asnoŭnaja ž pryčyna arhanizacyi lesanarychtovach u zonie adčužeńnia — prafiłaktyka lasnych pažaraŭ, bo ŭ dadzienym rajonie «stanovicca ŭsio bolš śpiełych lasoŭ, a ŭ mnohich miescach les pierastojvaje».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary