Rasija razumieje i padtrymlivaje imknieńnie Biełarusi naładzić stasunki z Zachadam.
Pra heta zajaviŭ pasoł RF u Biełarusi Alaksandr Surykaŭ 7 červienia na
«Rasiju nie naściarožvajuć sproby Biełarusi naładzić adnosiny ź Jeŭrasajuzam.Biełaruś — jeŭrapiejskaja kraina, jana nie moža žyć z susiedziami ŭ takich siońniašnich uzajemaadnosinach», — skazaŭ pasoł.
Pry hetym Surykaŭ padkreśliŭ, što patrabavańni ES da Biełarusi Rasija ličyć praźmiernymi.
«Što takoje naohuł — patrabavańni da sučasnaj niezaležnaj krainy? Vypuści palitviaźniaŭ — u krainie pa zakonie niama palitviaźniaŭ, heta kryminalnyja złačynstvy.Jak ich vypuścić?
Surykaŭ taksama nahadaŭ, što ES patrabuje ad Biełarusi admieny śmiarotnaha pakarańnia, zabyvajučy, što na refierendumie bolšaść hramadzian krainy prahałasavali za jaje zachavańnie.
Pavodle dypłamata, rasijski bok zadavoleny biahučaj situacyjaj.«U jeŭrapiejskaha i biełaruskaha bakoŭ jość razumieńnie, što ad patrabavańniaŭ treba pierajści da pieramovaŭ i kansultacyj. U suviazi z hetym pačaŭsia pakul jašče nie dyjałoh, ale padrychtoŭka da jaho. My heta razumiejem i padtrymlivajem», — zajaviŭ Surykaŭ.
Jon asabliva adznačyŭ, što ŭ Rasii «nijakaj reŭnaści niama».«My budziem naściarožana stavicca, kali hety dyjałoh budzie mantavacca na procivahu z Rasijaj. Ale jeŭrapiejskija i biełaruskija palityki razumiejuć, što ŭ hetaj situacyi nielha supraćpastaŭlać ES Rasii», — dadaŭ Surykaŭ.
Kamientary