Tramp pahražaje zabłakavać adkryćcio novaha mosta pamiž ZŠA i Kanadaj

Mižnarodny most Hordzi Chou, nazvany ŭ honar kanadskaha chakieista i jaki złučaje kanadskuju pravincyju Antarya z amierykanskim štatam Mičyhan, nie budzie adkryty, pakul Atava «nie budzie stavicca da ZŠA sa spraviadlivaściu i pavahaj», zajaviŭ Tramp.

«Ja nie dazvolu adkryć hety most, pakul Złučanyja Štaty nie atrymajuć poŭnuju kampiensacyju za ŭsio, što my im dali, a taksama, što važna, pakul Kanada nie pačnie stavicca da ZŠA sa spraviadlivaściu i pavahaj, jakich my zasłuhoŭvajem», — napisaŭ jon u svajoj sacsietcy Truth Social.

Zhodna ź infarmacyjaj na sajcie prajekta, most finansujecca kanadskim uradam, ale budzie znachodzicca ŭ sumiesnaj dziaržaŭnaj ułasnaści jak Kanady, tak i štata Mičyhan.

Nie zusim jasna, jak Tramp zmoža zabłakavać jaho adkryćcio. U svaim paście amierykanski lidar napisaŭ, što niejkija pieramovy «pačnucca nieadkładna», nie ŭdajučysia ŭ padrabiaznaści.

Čakałasia, što most praz raku Detrojt budzie adkryty dla ruchu paśla aficyjnych vyprabavańniaŭ i zaćviardžeńniaŭ u pačatku 2026 hoda. Budaŭnictva pačałosia ŭ 2018 hodzie, ale prajekt byŭ pradmietam sprečak pamiž krainami na praciahu bolš za 10 hadoŭ.

Pavodle acenak Canadian Broadcasting Corporation, jaho budaŭnictva abyšłosia ŭ 6,4 młrd kanadskich dalaraŭ (4,7 młrd dalaraŭ ZŠA).

U svaim paście ŭ Truth Social Tramp taksama zajaviŭ, što ZŠA pavinny vałodać «prynamsi pałovaj hetaha aktyvu».

Zhodna ź infarmacyjaj na sajcie prajekta, budaŭnictvam mosta zajmajecca arhanizacyja Windsor-Detroit Bridge Authority, jakaja całkam naležyć kanadskamu ŭradu.

«Im naležać jak kanadski, tak i amierykanski bok, i, viadoma ž, jany pabudavali jaho praktyčna biez vykarystańnia amierykanskich materyjałaŭ. […] Ciapier kanadski ŭrad čakaje, što ja jak prezident ZŠA dazvolu im prosta «skarystacca Amierykaj»! Što atrymlivajuć Złučanyja Štaty Amieryki — absalutna ničoha!» — paskardziŭsia Tramp.

Siamja Morun — amierykanskija ŭładalniki susiedniaha mosta, jaki złučaje ZŠA z Kanadaj, — padčas pieršaha terminu Trampa źviarnułasia da jaho z prośbaj spynić budaŭnictva novaha mosta, śćviardžajučy, što heta parušaje ich vyklučnaje prava brać płatu za prajezd.

U adkaz Tramp i tahačasny premjer-ministr Džaścin Trudo apublikavali sumiesnuju zajavu, u jakoj havaryłasia, što novy most źjaŭlajecca «žyćciova važnaj ekanamičnaj źviazujučaj źvianom» pamiž krainami.

U paniadziełak Tramp uspomniŭ niadaŭnija handlovyja sprečki pamiž dźviuma krainami, zajaviŭšy, što «taryfy, jakija Kanada spahaniaje z našych małočnych praduktaŭ, na praciahu mnohich hadoŭ byli nieprymalnymi».

Jon taksama zajaviŭ, što handlovaje pahadnieńnie, jakoje kanadski premjer Mark Karni choča zaklučyć z Kitajem, «całkam pahłynie Kanadu».

«Pieršaje, što zrobić Kitaj, — heta spynić usie chakiejnyja matčy ŭ Kanadzie i nazaŭsiody likviduje Kubak Stenli», — dadaŭ Tramp.

• 1
• 0
• 0
• 11
• 1
• 1
• 0
• 0