Minsielhascharč praviaraje infarmacyju «Našaj Nivy» pra Brescki rajon
Ministerstva sielskaj haspadarki i charčavańnia praviaraje infarmacyju ab žorstkim abychodžańni z žyviołami na sielhaspradpryjemstvie «Miadnianskaja ptuškafabryka» ŭ Bresckim rajonie.
Śpiecyjalisty departamienta vieterynarnaha i charčovaha nahladu ministerstva vyjechali ŭ Brescki rajon dla razboru.
Nahadajem, što 6 červienia na sajcie NN.BY byŭ źmieščany videarolik ab transparciroŭcy karoŭ na Miadnianskaj ptuškafabrycy.
Tak, kab pahruzić karovu ŭ mašynu, supracoŭniki fiermy spačatku pasadzili jaje ŭ koŭš pahruzčyka, a potym kinuli ŭ kuzaŭ z dosyć vialikaj vyšyni. Videa vyklikała šyroki hramadski rezanans.
Na AAT «Miadnianskaja ptuškafabryka» pryznali, što taki fakt mieŭ miesca. Namieśnik dyrektara pradpryjemstva Vasil Kavaleŭski adznačyŭ, što heta adbyłosia 14 listapada 2012 hoda.
«U karovy była parvanaja źviazka, i jaje vyrašyli takim čynam pieravieźci. Ciapier pravodzim pravierku, pa vynikach jakoj vinavatyja buduć pakaranyja. Heta adzinkavy vypadak na našym pradpryjemstvie», — padkreśliŭ namieśnik dyrektara.
Razam z tym, jak śćviardžaje adzin z rabotnikaŭ haspadarki, masavyja parušeńni i takoje staŭleńnie da žyvioł na Miadnianskaj ptuškafabrycy nie redkaść.Tak, naprykład, u 2007 hodzie ŭ rybhasie, jaki naležyć da hetaha AAT, zdaryŭsia masavy mor ryby, i rabotniki pradpryjemstva nie znajšli varyjantu lepšaha, čym vykinuć miortvuju rybu ŭ les. Hety fakt taksama staŭ zdabytkam hałosnaści, pra jaho paviedamiła ŭ tym liku hazieta «Sovietskaja Biełoruśsija».
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary