Polski fond «Centr Karta» (Ośrodek Karta), jakaja zajmajecca zboram archivaŭ najnoŭšaj historyi Polščy i Ŭschodniaj Jeŭropy, raspačynaje biełaruski prajekt.
Dyrektar fonda Źbihnieŭ Hluza z hetaj nahody zajaviŭ, što «ciapierašnija biełaruskija ŭłady nie tolki nie padtrymlivajuć pracu, pryśviečanuju najnoŭšaj historyi, ale dziejničajuć u kirunku jaje falšavańnia, tamu centr pracaŭ dziela zbornaj pamiaci Biełarusi pavinien paŭstać za jaje miežami».
Archiŭ budzie stvorany ciaham paŭhoda ŭ Varšavie. Ź ciaham času jon pačnie dziejničać u mnohich krainach — usiudy, dzie supracoŭničać ź im zachočuć ludzi, źviazanyja ź Biełaruśsiu. A pakul što fundacyja zaprašaje da supracoŭnictva biełarusaŭ, jakija žyvuć u Polščy.
Mižnarodny biełaruski archiŭ pieradusim zojmiecca XX st, zaznačaje spadar Hluza: «My budziem źbirać piśmovyja dakumienty, uspaminy i dziońniki, unikalnyja publikacyi, fota, kino, videazapisy — pieravažna pa-biełarusku, choć z pavahaj budziem stavicca i da inšych movaŭ. Kali-niebudź zbor budzie pieradadzieny ŭ Minsk, jak tolki jon stanie stalicaj demakratyčnaj krainy».
Pieršaja sustreča arhanizataraŭ archiva ź biełarusami, hatovymi da supracoŭnictva, projdzie ŭ siaredzinie červienia ŭ Varšavie ŭ Domie sustreč z historyjaj (Dom Spotkań z Historią), Varšava, vulica Narbuta, 29.
Achvotnych prosiać adhuknucca da 11 červienia. Kantakt arhanizataraŭ: Maciej Wyrwa, Ośrodek KARTA, 02-536 Warszawa, ul. Narbutta 29, tel.: (+48 22) 646-47-20, e-mail: [email protected].
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary