Minčuki, jakija zabilisia ŭ Lepielskim rajonie, jeździli ŭ Viciebsk pa narkotyki
Čatyry žychary Minska, jakija zahinuli 5 červienia ŭ vyniku sutyknieńnia «Audi 100» z aŭtafuraj «Iveco» na trasie Minsk — Viciebsk kala vioski Vierabki Lepielskaha rajona, jeździli ŭ Viciebsk pa narkotyki.
Apieratyŭniki ŭpraŭleńnia pa narkakantroli i supraćdziejańni handlu ludźmi MUS vyjavili, što maładyja ludzi zakupilisia ŭ Viciebsku narkotykami.
Pierad viartańniem u Minsk jany ŭžyvali mietadon i kurylnyja sumiesi. U sałonie ich aŭtamabila byli vyjaŭleny šprycy i pakunački z rečyvam biełaha koleru.
Akramia taho, miesiacam raniej adzin ź ich u Minsku trapiŭ u DTZ razam sa svaim siabram, što znachodziŭsia za rulom u stanie narkatyčnaha apjanieńnia. 28-hadovy minčuk tady ŭ komie trapiŭ špital, dzie daktary vyratavali jamu žyćcio.
Kamientary