«…Kali vy mnie pokažacie choć adzin budynak, źniesieny i nie adnoŭleny, albo kali jon nia budzie padlahać adnaŭleńniu».
Alaksandar Antonienka |
Rasiejski telekanał ORT pakazaŭ siužet pra «rekanstrukcyju» Horadni
U repartažy Dźmitryja Navažyłava, što byŭ pakazany ŭ ramkam prahramy «Druhija naviny», byli ahučanyja mierkavańni jak aficyjnych strukturaŭ, tak i pradstaŭnikoŭ niezaležnaha hramadztva. Byŭ taksama prademanstravany amatarski rolik pra razbureńnie budynku ŭ styli kanstruktyvizmu — byłoj kramy «Haračy chleb». Krajaznaŭcy i historyki vykazvalisia pra ciažkaści dyjalohu z uładami, pra toje, što ŭ vyniku «rekanstrukcyi» horad‑pomnik nazaŭsiody stračvaje svoj tvar i niepaŭtorny duch.
Dekan histaryčnaha fakultetu Haradzienskaha dziaržaŭnaha ŭniversytetu imia Ja. Kupały Edmund Jarmusik zapeŭniŭ, što dziejańni miascovaj ułady zakonnyja, ale, kab paźbiehnuć insynuacyjaŭ, treba rabić usio hałosna. Staršynia Haradzienskaha harvykankamu Alaksandar Antonienka, jaki viasnoj hetaha hodu asabista kiravaŭ zatrymańniem haradzienskich historykaŭ u časie stychijnaj akcyi pratestu, paabiacaŭ rasiejskamu karespandentu źjeści svoj halštuk:
«Kali vy mnie pokažacie choć adzin budynak, źniesieny i nie adnoŭleny, albo kali jon nia budzie padlahać adnaŭleńniu, ja źjem vaš halštuk. Usie budynki, jakija stajać i adpaviadajuć duchu zabudovy, jany buduć abaviazkova zachavanyja, adnoŭlenyja i nabuduć pieršapačatkovy vyhlad».
Jak adznačyŭ aŭtar haradzienskaha błohu s13, zastajecca dačakacca abiacanaha meram.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach16
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary