Valfovič upeŭnieny, što savieckaja vajskovaja technika ŭ Biełarusi prasłužyć jašče hadoŭ z 20
Dziaržaŭny sakratar Rady biaśpieki Alaksandr Valfovič padčas pravierki adnoj z čaściej 72‑ha vučebnaha centra pad Barysavam raskazaŭ, jak u Biełarusi pravodzicca madernizacyja vajskovaj techniki, piša BiełTA.
Volfovič padkreśliŭ, što savieckaja technika pieršapačatkova stvarałasia ź vialikim zapasam tryvałaści. Značnaja jaje častka dastałasia Biełarusi ŭ spadčynu ad Biełaruskaj vajskovaj akruhi, što isnavała ŭ SSSR.
«Niekatoryja ŭzory 1986, 1988 hoda, jość i starejšyja. Ale my bačym, jak technika zachoŭvajecca. Ja dumaju, jana jašče hadoŭ 20 prasłužyć», — upeŭnieny vajskovy čynoŭnik.
Jon maje na ŭvazie tanki i bajavyja mašyny piachoty, jakija majuć značny resurs tryvałaści i dobra paddajucca abnaŭleńniu. Avijacyja ž — sprava inšaja:
«Madernizavać samaloty, jakija sastareli, — heta niapravilnaje rašeńnie. Tamu my nabyvajem novyja samaloty Su-30SM2, što adpaviadajuć usim suśvietnym standartam».
Pavodle słoŭ dziaržsakratara Rady biaśpieki, usia technika, jakaja mieła ŭ hetym patrebu, prajšła ramont. Akramia taho, amal na ŭsich tankach i BMP uzbrajeńnie było pieraasnaščana i madernizavana. Tak, tanki T-72B daviedzieny da ŭzroŭniu T-72B3: u ich całkam abnoŭleny kompleks uzbrajeńnia i ŭstalavanyja sučasnyja biełaruskija pryceły «Sasna», jakija, maŭlaŭ, nie sastupajuć zamiežnym anałaham i karystajucca popytam za miažoj.
Akramia asnoŭnaj brani, tanki ciapier abstaloŭvajucca dadatkovymi achoŭnymi ekranami — tak zvanymi «maskami» — dla supraćdziejańnia bieśpiłotnikam, a taksama srodkami radyjoelektronnaj baraćby.
Valfovič: My ŭpeŭnienyja, što ŭ nas jość «Arešnik»
Padčas pravierki bajavoj hatoŭnaści armii Łukašenka abyšoŭsia biez Chrenina
Pa rasparadžeńni Łukašenki raspačataja maštabnaja pravierka Uzbrojenych sił
Valfovič: U Biełarusi vieniesuelski scenaryj niemahčymy, bo siłaviki nie majuć prava zdradzić Łukašenku
Kamientary