«Dušyć prosta za horła pačućcio niespraviadlivaści». U Maładziečnie ahrasiadzibu teraryzuje statak karoŭ
U Maładziečnie statak karoŭ nočču try razy pryjšoŭ na ahrasiadzibu «Mara dziacinstva», i jaje haspadynia, Nastaśsia Čarniaŭskaja, šukaje spraviadlivaści. Jana raskazała ŭ tyktoku pra situacyju, u jakoj apynułasia, piša Kraj.by.
Karovy, jakija błukajuć pa ŭskrainach Maładziečna ŭžo niekalki hadoŭ, stvarajuć prablemy miascovym žycharam. Fiermiery Juryj i Nastaśsia Čarniaŭskija — adny z paciarpiełych. U noč na 4 lutaha im daviałosia try razy adhaniać karoŭ ad svajoj siadziby.
Nastaśsia raskazała, što spačatku adahnała ich za dva kiłamietry ŭ bok vioski Nasiłava, potym zahnała ŭ dvor haspadaram, ale praz 40 chvilin karovy znoŭ viarnulisia. Treci raz jany pryjšli kala druhoj hadziny nočy. Žančyna vyklikała milicyju, jakaja aformiła zajavu, ale dalejšaha vyniku pakul niama.
Haspadynia adznačaje, što adčuvaje niespraviadlivaść, jakaja prosta dušyć za horła: jana i muž razam ź dziećmi ŭsio žyćcio pracujuć na fiermie, płaciać padatki i ŭtrymlivajuć svaich žyvioł, a niekatoryja ludzi trymajuć statki biez dohladu, korm nie narychtoŭvajuć, a karovy chodziać na svabodnym vypasie letam i zimoj — heta ich krynica dachodu. Pavodle jaje infarmacyi, ź listapada žyvioły charčavalisia ŭ jamie lebiedzieŭskaj sielhasarhanizacyi, psujučy siena i škodziačy miascovym žycharam.
Sproby Čarniaŭskich abaranić svaju siadzibu byli biespaśpiachovyja: jany pastavili elektrapastucha, ale karovy vyrvali jaho i razarvali. Tamu Nastaśsia nie bačyć vychadu ź situacyi svaimi siłami i ździŭlajecca, čamu ŭłady nie prymusiać haspadaroŭ sačyć za svaimi žyviołami.
Rajvykankam abiacaŭ razhledzieć pytańnie i paviedamić jak Čarniaŭskaj, tak i hramadskaści pra pryniatyja miery.
Kamientary
Kłouny.