Kiraŭnik kalehii advakataŭ zaklikaŭ padpisvać damovu ab budaŭnictvie žylla tolki z advakatam
Kiraŭnik respublikanskaj kalehii advakataŭ Viktar Čajčyc zaklikaje biełarusaŭ padpisvać damovu ab budaŭnictvie žylla ci stvareńni žyllovych kaapieratyvaŭ tolki z advakatam. Pra heta jon zajaviŭ 24 červienia napres-kanfierencyi ŭ Minsku.
Pavodle słoŭ Čajčyca, zvaroty, źviazanyja z prablemami žyllovaha budaŭnictva, sustrakajucca časta, što, mahčyma, źviazana ź niekatoraj lehkadumnaściu biełarusaŭ u afarmleńni dahavoraŭ z budaŭničymi i inšymi arhanizacyjami. «Bolšaść hetych zvarotaŭ pakazvaje, što kali b ludzi, pierš čym štości budavać i zaklučać dahavor z budaŭničaj arhanizacyjaj, źviarnulisia b da advakata i advakat naležnym čynam skłaŭ by dahavor, to ŭ samich budaŭnikoŭ było b mienš spakusy ašukać, tamu što jany razumieli b, što čałaviek abaronieny», — adznačyŭ Čajčyc.
Jon nahadaŭ, što ŭ mnohich vypadkach ludzi zaklučali damovu"biez advakata, dzieści ŭ parku, nie bačačy ofisa, nie znajšoŭšy čas pravieryć paŭnamoctvy budaŭničaj arhanizacyi i taho mieniedžara, jaki zaklučaŭ hetu damovu».«Kali b byŭ advakat, dobraj pałovy zvarotaŭ nie było b», — upeŭnieny kiraŭnik respublikanskaj kalehii advakataŭ.
Pavodle jaho mierkavańnia, machlary čaściej za ŭsio ašukvajuć davierlivych ludziej, jakija «naležnym čynam nie abaraniajuć svaje pravy». «Kali čałaviek znajšoŭ hrošy na budaŭnictva kvatery, chaj źvierniecca da advakata, heta jaho abaronić ad straty hetych hrošaj, a na advakacie jon šmat nie stracić», — zapeŭniŭ Čajčyc.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Kamientary