Pa jakim artykule asudziać Hajdukova? Mahčyma, «ustanaŭleńnie supracoŭnictva biez škody biaśpiecy»
Siońnia stała viadoma, što abvinavačańnie suprać
Prysud maje być vyniesieny 1 lipienia. Prakuror paprasiŭ dla Hajdukova 2 hady źniavoleńnia.My źviarnulisia da jurysta i palitołaha Juryja Čavusava, jaki vykazaŭ svaje zdahadki.
«Praces zakryty, tamu dakładna skazać niemahčyma, na jakoje złačynstva pierakvalifikavanaje abvinavačańnie.
U kantekście taho, što Hajdukoŭ braŭ udzieł u pracy niezarehistravanaha „Sajuza maładych intelektuałaŭ“ varta adznačyć, što akurat 2 hady — heta maksimalny termin pa artukule 193–1„Niezakonnaja arhanizacyja dziejnaści hramadskaha abjadnańnia, relihijnaj arhanizacyi ci fondu albo ŭdzieł u ich dziejnaści“. Patencyjna moža być prymienienaja i častka 2 artykuła 193 „Arhanizacyja albo kiraŭnictva hramadskaha abjadnańnia, jakaja pasiahaje na asobu, pravy i abaviazki hramadzian“, jaki adroźnivajecca ad 193–1 tym, što praduhledžvaje adkaznaść za dziejnaść niezarehistravanaj arhanizacyi, što naniesła škodu pravam i intaresam hramadzianaŭ albo pieraškadžała vykanańniu imi dziaržaŭnych ci hramadskich abaviazkaŭ. Tam maksimalny termin źniavoleńnia — 3 hady.
Tym nie mienš, najbolš imaviernym mnie padajecca prymianieńnie suprać Hajdukova artykuła KK 356–1 „Ustanaŭleńnie supracoŭnictva sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy“.Hety artykuł pavodle abjektyŭnaha składu złačynstva blizki da zdrady dziaržavie, ale ŭ im adsutničaje naniasieńnie faktyčnaj škody biaśpiecy Respublicy Biełaruś. Maksimalny termin źniavoleńnia — 2 hady», — kaža Čavusaŭ.
«Naša Niva»: To bok, mahli paličyć, što Hajdukoŭ ustanaŭlivaŭ suviaź, ale nie špijoniŭ?
JUČ: Treba, kaniečnie, bačyć praces, kab viedać što tam da čaho. Ale ad pačatku viadoma, što Hajdukova abvinavačvali nie ŭ ździajśnieńni zakončanaha złačynstva, a tolki ŭ zamachu. Pieršapačatkova miełasia na ŭvazie, što abvinavačany sprabavaŭ ździejśnić zdradu dziaržavie praz ahienturnuju dziejnaść, ale da zaviaršeńnia złačynstva nie davioŭ. Prakuror moh u pracesie vyrašyć, što, kali abvinavačany nie paśpieŭ vydać sakrety, ale paśpieŭ tolki ŭstanavić suviaź z zamiežnaj vyviedkaj, to jahonyja dziejańni padpadajuć pad artykuł 356–1.
Kali kazać paprostu, sakretaŭ jon nie paśpieŭ vydać i strataŭ nacyjanalnaj biaśpiecy naniesiena nie było. Ale i pry takim raskładzie klučavoje pytańnie zastajecca biez adkazu: na jakuju zamiežnuju śpiecsłužbu pracavaŭ Hajdukoŭ? Biez adkazu na hetaje pytańnie ani artykuł 356, ani artykuł 356–1 nie buduć vyhladać jak pierakanaŭčaje abvinavačańnie.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary