Piać faktaŭ pra chaacičeskuju Nadzieju Katkaviec

Adna z samych zapaminalnych biełaruskich čynoŭnic Nadzieja Katkaviec pryznačanaja namieśnikam kiraŭnika spraŭ prezidenta.

Dahetul jana pracavała ŭ Maskvie — była dyrektaram departamienta ahrapramysłovaj palityki Jeŭrazijskaj ekanamičnaj kamisii. Praca była nie nadta składanaja, zatoje prybytkovaja.

«Naša Niva» ŭzhadvaje piać faktaŭ ź bijahrafii Nadziei Katkaviec.

Škłoŭskaja

Nadzieja Katkaviec naradziłasia na Paleśsi, u vioscy Tyškavičy Ivanaŭskaha rajona ŭ 1960.

Adnak słava i ŭłada pryjšła da jaje ŭ inšych krajach.

Paśla pracy ŭ Tamboŭskaj vobłaści Nadzieja trapiła ŭ škłoŭski saŭhas «Haradziec», toj samy jakim kiravaŭ Alaksandr Łukašenka. Katkaviec pracavała ŭ jaho hałoŭnym ekanamistam.

Svaju padnačalenuju budučy kiraŭnik dziaržavy nie zabyŭsia. Staŭšy prezidentam, pryznačyŭ jaje kiraŭnikom uzornaha kałhasa «Uschod» u Atolina pad Minskam.

Ministerskuju karjeru Katkaviec pačała ŭ 2003. Z atolinskaha «Uschodu» jaje pieraviali na pasadu namieśnicy, a paśla i pieršaj namieśnicy ministra sielskaj haspadarki. Na svajoj pasadzie jana była adnym z hałoŭnych doŭhažycharoŭ siarod łukašenkaŭskich čynoŭnikaŭ.

Šmatdzietnaja maci

U Atolina Katkaviec pabudavała svoj dom, tudy pieraviezła z Tyškavičaŭ stareńkuju mamu paśla śmierci baćki.

U samoj Nadziei čaćviora dziaciej, i ŭsie chłopcy.

A voś nakont jaje mužaŭ infarmacyi niama. Dy i proźvišča ŭ čynoŭnicy zastałosia dziavočaje. A voś u adnaho z synoŭ proźvišča Harbuzaŭ.

Lubić historyju, dekaratyŭnyja kvietki i piražki

U intervju «Źviaździe» čynoŭnica raskazała pra svaje raznastajnyja chobi.

Nadzieja lubić historyju, asabliva pieryjadu Vialikaj Ajčynnaj vajny. Paśla škoły chacieła pastupać na histfak Bresckaha piedinstytuta,

pryznavałasia jana.

U volny čas Katkaviec hatuje piražki — z sasiskami, varanaj kaŭbasoj, zhuščonkaj… A taksama dahladaje niekalki dziasiatkaŭ vialikich harškoŭ z dekaratyŭnymi kvietkami.

Siarod vidaŭ sportu jana addaje pieravahu baskietbołu i skačkam u vyšyniu.

Chaacičeskaja pramoŭca

Katkaviec mahła zastacca adnoj z mnostva šerych čynoŭnikaŭ, pra isnavańnie jakich uzhadvajuć tolki pry ich adstaŭcy, kali b nie niezvyčajnuju manieru maŭleńnia.

Možna skazać, što jana havoryć pa-biełarusku rasijskimi słovami.

Videa ź jaje pres-kanfierencyj hladziać dziasiatki tysiač čałaviek, a jaje «chaacičeski słožanyja ceny» stali internet-memam. «Ja dumaju, što kak by nam u hetaj śviazi ŭ abjaśnieńni etamu vaprosu i možet być daža nie etamu vaprosu, a kak by našaj pazicyi, što li da… — što ŭsio-taki my jašče daleko pa mnohich pazicyjach ad miravych cen i ad cen… i ad cen, na pradukcyju katorych dachodzić da kaniečnaha pakupaciela ŭ našych… u našych stranach… stranach našy… sasiedziaŭ» — voś uzor jaje pramovy.

Zrešty,

pry ŭsioj biassuviaznaści svajho maŭleńnia Nadzieja Katkaviec — dobra adukavany čałaviek. Jana skončyła dva VNU. U 1987 — Horackuju sielskahaspadarčuju akademiju, a ŭ 2006 — prezidenckuju akademiju kiravańnia.

Najlepšyja pramovy Nadziei Katkaviec

Nie admoŭcie sabie ŭ zadavalnieńni jašče raz pasłuchać Nadzieju.

• 0
• 0
• 2
• 1
• 0
• 0
• 1
• 0