Prezientujuć knihu «Na «panskich» mohiłkach Plabani»

Prezientacyi projduć 25 i 27 lipienia ŭ Minsku (muziej Ja.Kupały) i vioscy Plabań (Maładziečanskaha rajona).

Kniha «Na „panskich“ mohiłkach Plabani» — pieršaje vydańnie ŭ Biełarusi, jakoje akramia vusnaj historyi, apisańnia kultavaj architektury, redkich starych fatazdymkaŭ, utrymoŭvaje hruntoŭnaje daśledvańnie «panskich» mohiłak Plabani praz pryzmu historyi, krajaznaŭstva, mastactvaznaŭstva, hieałohii i navat niekrapalistyki, jakaja tolki raźvivajecca ŭ našaj krainie.

U knizie sabrany:

padrabiaznaja mapa mohiłak, u jakoj adlustravana kala 600 nadmahillaŭ,
katałoh pazastałych nadhrobkaŭ ź ich detalnym apisańniem,
fatazdymki najbolš charakternych nadhrobkaŭ,
pieraličeńnie i tłumačeńnie mohiłkavych simvałaŭ, prykłady epitafij,
vyznačeńnie pahrozaŭ, jakija isnujuć dla zachavańnia niekropala.

Materyjały, raźmieščanyja ŭ knizie, dazvolać lubomu, chto pažadaje, pravieści padobnyja pracy na histaryčnych mohiłkach svajho rehijonu.

Ŭkładalnica knihi Volha Siamaška raspaviadaje: «Kniha pryśviečana pamiaci Michasia Čarniaŭskaha, Michasia Ramaniuka i Siaržuka Vituški — asobaŭ, jakija ŭ svoj čas spryčynilisia da pryborki i daśledvańnia plabanskich mohiłak i mahiły paŭstancaŭ Kalinoŭskaha, jakaja na ich i znachodzicca.

Vydańnie knihi stałasia vynikam palavych daśledavańniaŭ mohiłak Plabani i samoj vioski z 2007 pa 2013 hady.

Akramia hetaha dla naviedvalnikaŭ prezientacyj adkryjucca tajamnicy, jakija plabanskija mohiłki zachoŭvali da hetaha času:

Čamu možna ličyć, što Kalinoŭski pierapachavany ŭ Plabani?

Čamu z mahiły paŭstancaŭ Kalinoŭskaha ŭ Plabani na praciahu stahodździa trojčy źnikała šylda i dzie schavany pieršapačatkovy nadhrobak paŭstancam Kalinoŭskaha?

Dzie pachavany mužčyna-pratatyp pana Bykoŭskaha z pjesy Kupały «Paŭlinka»?

Čamu Plabań stałasia miescam pałomnictva papskaha nuncyja?

U prahramie minskaj prezientacyi 25 lipienia: muzyka Viktar Siamaška, paety Viktar Žybul i Viera Burłak, historyki i admysłoŭcy ŭ halinie achovy mohiłak.

U subotu 27 lipienia u Plabani: bardy Taciana Biełanohaja, Andrej Kaścień, muzyka Viktar Siamaška i mnohija inšyja.

Miesca praviadzieńnia prezientacyj: Minsk, 25 lipienia (čaćvier), muziej Ja.Kupały, pačatak, a 19-j.

Uvachod pa muziejnych kvitkach 7 000 rub.

v. Plabań, 27 lipienia (subota), Maładziečanski rajon, Mastackaja halereja. Pačatak 12–30. Uvachod volny.

Vydańnie pabačyła śviet u hetym hodzie ŭ miežach novaj knižnaj sieryi «Histaryčnyja mohiłki Biełarusi».

• 0
• 0
• 0
• 0
• 0
• 0
• 0
• 0