Łukašenka addaŭ budaŭnictva Vakulčyku i Jakabsonu: Kali niechta nie vypraŭlaje, kajdanki — i ŭ kamieru
Alaksandr Łukašenka patrabuje pavysić efiektyŭnaść dziejnaści rabočaj hrupy pa prablemnych pytańniach budaŭničaj haliny.
Ab hetym jon zajaviŭ 23 lipienia, prymajučy z dakładam ab chodzie raboty hrupy kiraŭnika Administracyi prezidenta Biełarusi Andreja Kabiakova, staršyniu Kamiteta dziaržkantrolu Alaksandra Jakabsona i staršyniu Kamiteta dziaržbiaśpieki Valeryja Vakulčyka.
Alaksandr Łukašenka nahadaŭ, što pierad hrupaj była pastaŭlena zadača vyznačyć hłybinnyja prablemy budaŭničaj haliny i navieści ŭ joj paradak.
«My damovilisia: pracujem pavodle pryncypu „vyjavili prablemu i nieadkładna jaje vyrašyli“. Prytym žalezna i žorstka.Bo heta prablema ŭžo zaškalvaje. Nasielnictva vielmi nie zadavolena, asabliva tyja, chto viadzie budaŭnictva, pradjaŭlajuć abhruntavanyja skarhi. Skardziacca va ŭsie instancyi. Heta nienarmalna, niedapuščalna ŭ toj čas, kali pracuje kamisija», — skazaŭ jon.
«Jość prablema — biarom jaje i vyrašajem.Prytym pačynajučy ad kankretnaha doma, jaki nie budujecca abo budaŭnictva jakoha praterminavana pa vinie budaŭnikoŭ abo zabudoŭščykaŭ, i zakančvajučy rašeńniami na zakanadaŭčym uzroŭni, kali dla hetaha jość niejkaja nieabchodnaść», — padkreśliŭ kiraŭnik dziaržavy.
Dziejnaść rabočaj hrupy znachodzicca pad pastajannym kantrolem prezidenta. «Skažu ščyra, ja nie vielmi zadavoleny rabotaj hrupy. Moža, ja pamylajusia, nie ŭsio baču», — adznačyŭ Alaksandr Łukašenka.
Prezident zapatrabavaŭ aktyvizavać rabotu hrupy, pavysić efiektyŭnaść, pavialičyć patrabavańni da adkaznych asob. «Ubačyli ŭ ŚMI
Kali niechta nie vypraŭlaje — dadziena kamanda pravaachoŭnym orhanam: kajdanki — i ŭ kamieru. I niachaj tady dumajuć, jak pracavać z narodam»,— skazaŭ jon.
Alaksandr Łukašenka papiaredziŭ, što manitorynh prablem budaŭničaj haliny — heta tolki pačatak. «I takim čynam projdziemsia pa ŭsioj krainie, pa ŭsich prablemnych pytańniach, jakija chvalujuć ludziej, pačynajučy z budaŭnictva i zaviaršajučy cenaŭtvareńniem. My vymušany prymać radykalnyja miery, kali ludzi nie razumiejuć, kali im prosta, zrazumieła, spakojna havorać», — padkreśliŭ jon.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary