Pra najnoŭšyja daśledavańni ŭ halinie lačeńnia bolu ŭ śpinie raskazvaje błoh «Zdaroŭje» na sajcie The New York Times.
Kali vy nikoli nie pakutavali ad bolu ŭ pajaśnicy, vam ci mocna pašancavała ci, što vierahodna, vy prosta jašče maładyja. Da 80% z nas sutykajucca z bolem u śpinie ŭ peŭnyja momanty svajho žyćcia.
U apošnija 10 hadoŭ samym papularnym niechirurhičnym lačeńniem chraničnaha bolu ŭ śpinie byli injekcyi — kartyzonu, ibuprafienu i vitaminu V12. Hetaje lekavańnie vielmi papularnaje siarod daktaroŭ, bo nie takoje adkaznaje i składanaje, jak apieracyi, i sapraŭdy daje niekatoruju palohku ad bolu na niekalkich tydniaŭ.
Ale, jak pakazali niadaŭnija daśledavańni niderłandskich miedykaŭ, u doŭhaterminovym pieryjadzie injekcyi zusim nie palapšajuć stanovišča.Nie pamianšajuć ukoły i imaviernaści apieracyi, jakuju, mahčyma, daviadziecca rabić paźniej.
Čatyrochhadovyja nazirańni za dźviuma hrupami asobaŭ, jakija pakutujuć ad bolaŭ u śpinie, pakazali, što hrupa tych, što karystaŭsia injekcyjnaj terapijaj, adčuvali siabie nie lepš, a horš, čym tyja, chto nie karystaŭsia lekavańniem. Z čaho niderłandskija miedyki robiać vysnovu, što ŭkoły dla palahčeńnia bolu ŭ śpinie rekamiendavać nie varta.
Doktar Džaan Fredli z Univiersiteta Vašynhtona ŭ Čykaha kaža, što bol u śpinie ŭ darosłych nie varta razhladać jak anamaliju, heta naturalnaje nastupstva stareńnia. I nadziejny lek, kab źmienšyć hety bol — źmiena ładu žyćcia.
Treba bolš ruchacca, rabić śpiecyjalnyja praktykavańni, zaniatki johaj, piłatesam, stacyjanarny rovar i ihłaŭkołvańnie dajuć u doŭhaterminovaj pierśpiektyvie lepšy vynik, čym ukoły kartyzonu ci ibuprafienu.
-
Natchnionyja «Aziempikam» farmkampanii ŭstupili ŭ honku pa raspracoŭcy anałahaŭ dla žyvioł
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
Kamientary