Amierykanskim navukoŭcam z Masačusetskaha technałahičnaha instytuta ŭpieršyniu ŭdałosia stvaryć štučnuju fiktyŭnuju pamiać.
Jana była impłantavanaja ŭ mozh bijałahičnaha arhanizma. Dośledy pravodzilisia na myšach.
Technałohija hruntujecca na ŭviadzieńni dadatkovaj infarmacyi ŭ zony mozhu, jakija ŭtrymlivajuć infarmacyju pra minułaje. Vykarystoŭvajučy najnoŭšy sposab aktyvizacyi pamiaci z dapamohaj śvietłavych sihnałaŭ, śpiecyjalisty zmahli vyklikać uspaminy pra pazityŭny epizod u minułym, a zatym z dapamohaj elektryčnych šokaŭ unieści ŭ jaho źmianieńni.
U vyniku ŭ myšej adbyłosia źmianieńnie uspaminaŭ, i jany sa stracham pačali reahavać na asiarodździe, jakoje raniej vyklikała ŭ ich samyja pazityŭnyja pačućci.
«Našy raspracoŭki pakazali, što fiktyŭnaja pamiać usprymajecca jaje nośbitam jak realnaja», — zaŭvažyŭ adzin z kiraŭnikoŭ daśledavańniaŭ.
Pavodle jaho słovaŭ, takija paśpiachovyja ekśpierymienty na myšach adkryvajuć novyja šlachi dla lačeńnia ludziej, jakija majuć ciažkija psichałahičnyja traŭmy ci škodnyja zvyčki.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Kamientary