Biełčyhunka znoŭ zamianiaje «Štadler» na sastaŭ sa zvyčajnych vahonaŭ
Biełaruskaja čyhunka paviedamiła ab čarhovaj zamienie kamfartabielnaha elektraciahnika sieryi EPM na sastaŭ z vahonaŭ łakamatyŭnaj ciahi. Pryčynaj takoha rašeńnia nazyvajuć nieabchodnaść praviadzieńnia «pazapłanavaha techničnaha ahladu» šviejcarskaj techniki.
Źmieny zakranuli nastupnyja rejsy:
№ 733 Minsk — Brest: adpraŭleńnie 22 lutaha ŭ 17:21.
№ 734 Brest — Minsk: adpraŭleńnie 23 lutaha ŭ 06:34.
Praź pierastanoŭki bilety na hetyja rejsy mohuć być časova niedastupnyja ŭ sistemach prodažu.
Pasažyram, jakija ŭžo nabyli prajaznyja dakumienty na «Štadler», u BČ paabiacali viarnuć roźnicu ŭ canie biletaŭ — dla hetaha treba źviarnucca ŭ kasy.
U apošnija miesiacy Biełčyhunka ŭsio čaściej vykarystoŭvaje staryja łakamatyvy zamiest impartnych ciahnikoŭ. Pieravozčyk tłumačyć heta składanymi ŭmovami sioletniaj surovaj zimy, jakuju zamiežnaja technika nie zaŭsiody vytrymlivaje, a taksama patrebaj u terminovym ramoncie.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary
Słomali otriehulirovannyj, otcami i diedami, miechanizm raboty žieleznoj dorohi !
Iz žd sdiełali dojnuju korovu na potrieby łukašienok, na sport, na tramvai, trollejbusy, avtobusy, mietro, barži, kołchozy, na riemont etoho dobra, na pierievozku lhotnikov, na finansirovanije nadutych kabinietov v mintransie, otdielenijach i urravlenii žd....