Paźniak vinavacić u raspaŭsiudzie afrykanskaj čumy śviniej ułady
Adznačajučy ciažkaje stanovišča ŭ suviazi z uspyškaj epidemii afrykanskaj čumy śviniej (AČS), Paźniak nahadvaje, što «ŭ 2007 hodzie čuma pačałasia ŭ Rasiei, pašyryłasia na ŭsiu eŭrapiejskuju častku RF i adtul u pačatku 2013 h. była zavieziena ŭ Biełaruś.Režym Łukašenki nie zrabiŭ patrebnych zachadaŭ (jak heta zroblena, naprykład, va Ŭkrainie), kab zaścierahčy Biełaruś ad praniknieńnia epidemii z Rasiei, nie padrychtavaŭ vieterynarnyja i haspadarčyja słužby da chutkaj, enerhičnaj i efektyŭnaj likvidacyi mahčymych vohniščaŭ afrykanskaj śvinoj čumy. Kali viasnoj 2013 hoda pieršyja takija vohniščy niečakana źjavilisia na terytoryi Haradzienskaj vobłaści, režymnyja ŭłady zasakrecili padzieju i abmiežavalisia niedastatkovymi mierami prafilaktyki. U vyniku AČS chutka raspaŭsiudziłasia pa ŭsioj paŭnočnaj Biełarusi ŭ Haradzienskaj, Mienskaj i Viciebskaj vobłaściach, častcy Mahiloŭskaj i Bieraściejskaj vobłaściaŭ. Uźnikła realnaja niebiaśpieka raspaŭsiudu epidemii na ŭsiu terytoryju Biełarusi, što moža pryvieści da straty ŭsiaho pahałoŭja śviniej u krainie i da razbureńnia śvinahadoŭli jak haliny haspadarki, pakolki AČS nia lečycca, i adzinym metadam spynieńnia epidemii jość biaskroŭnaje vyniščeńnie i spaleńnie pahałoŭja».
Paźniak piša, što «epidemija afrykanskaj śvinoj čumy, jakuju zavieźli z Rasiei i raspaŭsiud jakoj dapuściŭ aŭtarytarny režym, najbolš datkliva bje pa indyvidualnych haspadarkach, pa ŭsich sielskich biełarusach.Ale heta jość taksama ŭdar pa sotniach tysiačaŭ biełaruskich siemjaŭ, jakija žyvuć u haradach i trymajucca za košt śvinahadoŭli. Heta jość udar pa ŭsiamu našamu narodu. Razam z vyniščeńniem biełaruskaj movy i nacyjanalnaj kultury antybiełaruski režym pačaŭ razburać materyjalnuju bazu isnavańnia našych ludziej. Hetyja ŭłady pavodziać siabie z narodam, jak akupanty».
U jakaści pieršačarhovych zachadaŭ u spravie likvidacyi epidemii AČS, ličyć Zianon Paźniak, «nieabchodna najpierš terminova začynić miažu z Rasiejaj, jakaja ciapier zrabiłasia pastajannaj krynicaj afrykanskaj śvinoj čumy.Nieabchodna vystavić sanitarnyja kardony i pabudavać uzdoŭž miažy metalovy płot u miescach mihracyi dzikich žyvioł. Nieabchodna arhanizavać dziaržaŭnuju systemu vieterynarnaha kantrolu, adpaviednuju nadzvyčajnaj sytuacyi ŭ suviazi z epidemijaj AČS. Miery pa spynieńni epidemii musiać być chutkija, radykalnyja i technalahična dakładnyja, nasielnictva pavinna być šyroka infarmavana, ludziam harantavana kampensacyja strat».
Lider Kanservatyŭna-chryścijanskaj partyi BNF pierakanany, što «režym ułady, jaki dapuściŭsia da epidemii, nia ŭ stanie zabiaśpiečyć vysoki technalahičny ŭzrovień baraćby z AČS, nia zdolny pierakryć miažu z Rasiejaj i spynić raspaŭsiud epidemii.Epidemija pašyrajecca, niasie vialikija niaščaści biełarusam. Na paradku dnia staić pytańnie ab pieramienach va ŭładzie. Tolki ŭłada, jakaja zychodzić ź intaresaŭ svajoj nacyi, zdolna ratavać narod i hramadztva ad niaščaściaŭ, jakija pahražajuć narodnamu isnavańniu».
Mytny kantrol pamiž Biełaruśsiu i Rasiejaj byŭ źniaty ŭ 1995 hodzie — tady deputaty BNF na čale ź Zianonam Paźniakom vystupili suprać hetaha kroku, zajaviŭšy, što jon robicca nasupierak dziaržaŭnym i ekanamičnym intaresam Biełarusi.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda5
Ryta Dakota nabyła dom za niekalki miljonaŭ dalaraŭ kala Halivuda
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher66
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher6
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary