Siońnia adbyłasia čarhovaja sustreča bakoŭ pavodle pazovu paeta Alesia Razanava i mastaka Viktara Markaŭca da kampanii mabilnaj suviazi STAA «Mabilnyja TeleSistemy».
U minuły aŭtorak sudovaja kalehija pa spravach intelektualnaj ułasnaści Viarchoŭnaha suda Biełarusi raspačała hramadzianskuju spravu ab abaronie aŭtarskich pravoŭ A. Razanava i V. Markaŭca.
Paet i mastak nastojvajuć na tym, što aperatar mabilnaj suviazi STAA «Mabilnyja TeleSistemy» vykarystaŭ u jakaści brendu kampanii stvorany imi supolna hrafičny vobraz — «jajkakvadrat». Pavodle słovaŭ sp. Markaŭca, u sudzie jany buduć patrabavać tolki pryznańnia faktu vykarystańnia ichniaha sumiesnaha tvoru.
Siońnia adbyłasia čarhovaja sustreča bakoŭ. Jak paviedamiŭ sp. Markaviec, data sudovaha pasiedžańnia pakul nie pryznačanaja, ale na 21 vieraśnia pryznačanaja treciaja sustreča bakoŭ. «Šmat akaličnaściaŭ u hetaj spravie, što vyvodzić jaje za ramki ŭnutranaha raźbiralnictva» — patłumačyŭ mastak. Pavodle jaho słovaŭ pradstaŭniki kampanii MTS pa‑raniejšamu nie nastrojenyja na miravuju: «Buduć z nami vajavać». Na siońniašniaj sustrečy, kaža sp. Markaviec, adkazčyki nia zdoleli adkazać, chto raspracavaŭ dla ichniaj kampanii lahatyp.
Nahadajem, što novy brend kampanii MTS źjaviŭsia ŭ traŭni 2006 h. Raspracavała jaho brytanskaja brendynhavaja ahiencyja Wolff Olins.
Kamientary