U Harvardskim univiersitecie ŭ čaćvier, 12 vieraśnia, prajšła cyrymonija ŭručeńnia Antynobieleŭskaj premii (IgNobel prize), jakaja prysudžajecca za najbolš sumnieŭnyja dasiahnieńni, «jakija spačatku vyklikajuć śmiech, a zatym prymušajuć zadumacca». Jana jašče viadoma jak Šnobieleŭskaja premija. Jak paviedamlaje ahienctva Frans-Pres, uznaharody prysudžalisia ŭ dziesiaci katehoryjach.
Łaŭreatam Antynobieleŭskaj premii miru 2013 hoda staŭ prezident Biełarusi Alaksandr Łukašenka. Jak rastłumačyli arhanizatary, jon byŭ uhanaravany za zabaronu publičnych apładysmientaŭ, uviedzienuju paśla antyŭradavych pratestaŭ u 2011 hodzie, padčas jakich ich udzielniki moŭčki apładziravali. Arhanizatary asobna adznačyli vypadak, kali za ŭdzieł u «akcyi apładysmientaŭ» sud u Hrodnie pryhavaryŭ da štrafu adnarukaha čałavieka.
Antynobieleŭskuju premiju ŭ katehoryi «Archieałohija» atrymała hrupa paŭnočnaamierykanskich navukoŭcaŭ, jakija daśledavali ŭździejańnie stravavalnaj sistemy čałavieka na kostki prahłynutaje im ziemlaryjki. Łaŭreatami Antynobieleŭskaj premii pa psichałohii stali daśledčyki, jakija vyśvietlili, što pjanyja ludzi ličać siabie bolš pryvabnymi.
Premija ŭ halinie inžyniernaj biaśpieki była prysudžana amierykancu Hustana Pica, jaki vynajšaŭ prystasavańnie, jakoje dazvalaje abiasškodzić zachopnika samalota i adpravić jaho na parašucie ŭ ruki palicyi.
Abjadnanuju ŭznaharodu ŭ halinie bijałohii i astranomii atrymała mižnarodnaja hrupa navukoŭcaŭ, jakaja vyśvietliła, što hnajavyja žuki, jakija zabłukali, mohuć znajści darohu dadomu, aryjentujučysia pa stanoviščy Mlečnaha Šlachu.
Łaŭreatami premii taksama stali navukoŭcy ź Vialikabrytanii, Niderłandaŭ i Kanady, jakija dakazali, što, čym daŭžej karova lažyć na ziamli, tym bolšaja imaviernaść, što jana ŭstanie ŭ bližejšy čas, a taksama vyśvietliła, što, kali karova ŭstała, pradkazać, kali jana znoŭ laža, vielmi ciažka.
Šnobieleŭskaja premija ŭručajecca z 1991 hoda. Jaje zasnavalnikam staŭ redaktar humarystyčnaha časopisa The Annals of Improbable Research («Letapis niejmaviernych daśledavańniaŭ») Mark Abrachams. Šnobieleŭskija premija tradycyjna ŭručajucca ŭ vieraśni, prykładna za miesiac da ŭručeńnia Nobieleŭskich premij.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty19
Kamientary