Aŭtarka «NN» zahinuła ŭ Pakistanie razam z mužam u svoj dzień naradžeńnia
Kaciaryna Biezmaciernych i Alaksiej Ilušyn aŭtaspynam kiravalisia ŭ Indyju.
29 vieraśnia mašyna, u jakoj jechali biełarusy i padarožnik z Ukrainy, u rajonie horada Hiłhit pierakuliłasia i skinułasia z abryvu. Ukrainiec paśpieŭ vyskačyć z kuzava, a biełarusy zahinuli – ich zavaliła hruzam.
Vyžyli i troje pakistancaŭ, jakija znachodzilisia ŭ kabinie.
Ukrainiec Alaksandr vandravaŭ na rovary. Ź biełarusami jon sustreŭsia na miažy ŭ Pakistanie. Jany mierkavali razam padniacca ŭ hory 29 vieraśnia.
U hety dzień Kaciarynie spaŭniałasia 26. Alaksiej byŭ na dva hady maładziejšy.
Kaciaryna Biezmaciernych – aŭtarka «Našaj Nivy». Adzin ź jarkich jejnych tekstaŭ – pra padarožža ŭ Indyju.
Jana była apantanaja Azijaj.
Paśla viasiella jana stała Ilušynaj. Dva hady tamu skončyła fakultet žurnalistyki BDU. Pracavała ŭ časopisie «Biarozka». Kaciaryna – ź Minska, Alaksiej – z Homiela.
Kaciaryna aktyŭna ŭdzielničała ŭ ruchu za hramadzianskija i nacyjanalnyja pravy biełarusaŭ. Jaje zatrymmlivali, aryštoŭvali.
Maładaja siamja prajechała Hruziju, Armieniju, Iran. Pryjechali ŭ Pakistan, adkul mierkavali adpravicca ŭ Indyju. A ŭžo paśla zadumvalisia i pra Indaneziju z Kambodžaj.
«Voś tut, u Pakistanie (uvieś čas nazyvaju Pakistan Indyjaj, jon dla mianie vidavočnaja Indyja), naziraju za ludźmi… Plus jeŭrapiejskaha myśleńnia dla mianie ŭ tym, što jano – krytyčnaje. Azijaty ŭsio ž bolš tradycyjnyja, bolš žyvuć pa inercyi. Siarod ich padletkaŭ niepapularna być pankam albo chipi. Razmaŭlaju ź miascovaj dziaŭčynkaj. Uvieś jaje harderob – heta nacyjanalnaja vopratka «šalvar kamniz» u krychu adroznych varyjacych. I tak – usio žyćcio», – napisała Kaciaryna ŭ svaim ŽŽ 21 vieraśnia.
MZS Biełarusi ciapier vyrašaje pytańnie z dastaŭkaj biełarusaŭ na radzimu. Pakolki svajho pasolstva naša kraina ŭ Pakistanie nie maje, pa dapamohu biełaruskija dypłamaty źviarnulisia da rasijskich kalehaŭ.
Usio zdaryłasia kala Minapina.
Viečnaja pamiać!
Prosim tych, chto viedaŭ Kaciarynu, napisać pra jaje ŭ kamientach da hetaha artykuła.
* * *
Artykuły Kaciaryny Biezmaciernych na sajcie «Našaj Nivy»:
Radaść, hraź i siabroŭstva na «Pustych uzhorkach»
Ja nie varjat, mama! Ja – performer!
Rok-paetka Darja Kadamskaja: «Naša pakaleńnie ničoha źmianić nie moža»
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary