Pryznačany namieśnik pradstaŭnicy pa moładzievaj palitycy i studenctvie va ŭradzie Cichanoŭskaj
U Pradstaŭnictvie pa moładzievaj palitycy i studenctvie Abjadnanaha pierachodnaha kabinieta Biełarusi Alaksiej Hrachoŭski budzie ŭznačalvać napramak moładzievych prablem.
Kandydaturu Alaksieja Hrachoŭskaha ŭzhadniła kiraŭnica Kabinieta Śviatłana Cichanoŭskaja, jak taho i patrabuje pracedura, paviedamlaje APK.
Najpierš novy namieśnik zojmiecca prablemami mabilnaści moładzi, adukacyi i pracaŭładkavańnia.
Pradstaŭnica pa moładzievaj palitycy i studenctvie Marharyta Vorychava tak kankretyzavała zadačy, jakija stajać pierad jaje namieśnikam: «Pieršaja pryjarytetnaja zadača — mabilnaść. Maładyja ludzi ruchajucca. Jany naładžvajuć kantakty. Jany budujuć sietki. Bolš nijakich barjeraŭ. Druhaja pryjarytetnaja zadača — adukacyja. Realnaja adukacyja dla narmalnaj budučyni. Sapraŭdnyja mahčymaści. Treciaja pryjarytetnaja zadača — praca. Realny biźnies. Realnyja karjery. Maładyja biełarusy pavinny mieć mahčymaść budavać sabie žyćcio, jakoha jany sapraŭdy zasłuhoŭvajuć».
Pavodle Vorychavaj, moładzievyja prablemy — nie novyja dla Alaksieja Hrachoŭskaha.
Jon adkazvaŭ za ŭciahnutaść moładzi ŭ demakratyčnych palityčnych arhanizacyjach, vyrašaŭ prablemy studentaŭ u zamiežžy, dasiahnuŭ taho, kab adukacyja ŭ Jeŭropie była mahčymaj dla moładzi ź Biełarusi: «Jon mabilizavaŭ, arhanizoŭvaŭ i davodziŭ spravy da vyniku. Da realnaha vyniku, a nie da pustych abiacańniaŭ».
«Zanadta doŭha biełaruskuju moładź ihnaravali. Adsoŭvali ŭbok. Kazali čakać. Kazali maŭčać. Prymušali prymać chłuśniu režymu pra ich budučyniu. Bolš nie. Nie pry nas», — zajaviła Marharyta Vorychava.
Alaksiej Hrachoŭski naradziŭsia ŭ Minsku 22 lipienia 2003 hoda. Vypusknik Biełaruskaha humanitarnaha liceja imia Jakuba Kołasa. U 2025 hodzie skončyŭ bakałaŭryjat va Univiersitecie imia Adama Mickieviča ŭ Poznani na kirunku mižnarodnyja znosiny, dypłamatyja. Praciahvaje tam ža adukacyju na mahistratury.
Z 2019 — siabra TBM. U 2023 suzasnavaŭ Biełaruskuju moładzievuju hramadska-palityčnuju arhanizacyju LICHTAR. Siabra Zadzinočańnia Biełaruskich Studentaŭ. Vałodaje biełaruskaj, polskaj, anhlijskaj, ukrainskaj i ruskaj movami, vyvučaje niamieckuju
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary