Dziaržaŭtainśpiekcyja MUS Biełarusi rekamienduje vadzicielam nie zaciahvać z zamienaj ryziny i zahadzia pakłapacicca pra siezonnuju zamienu šyn.
«Z ulikam letašniaj statystyki, kali ŭ dzień pieršych asieńnich zamarazkaŭ na darohach zahinuli 12 čałaviek, DAI rekamienduje aŭtaŭładalnikam zahadzia zamianić na transpartnych srodkach letnija šyny na zimovyja. Tym bolš što pakul jość mahčymaść zrabić heta spakojna, biez čerhaŭ na šynamantažy», — havorycca ŭ paviedamleńni ŭpraŭleńnia DAI MUS.
«Niekatoryja aŭtaamatary ličać, što «pieraabuvać» koły na zimu naohuł nie abaviazkova. Ale heta pamyłka. U našym klimacie, kab adčuvać siabie na darozie ŭpeŭniena i biaśpiečna, i aŭtamabilam patrebny abutak pa siezonie. Heta dapamoža skaracić tarmazny šlach i značna palepšyć kiravańnie aŭtamabilem va ŭmovach ślizkaj darohi», — kanstatujuć śpiecyjalisty.
Kamientary