Prezident Ekvadora Rafael Karea 31 kastryčnika naviedaje Minsk. Pra heta paviedamlaje BiełaPAN sa spasyłkaj na vydańnie «Ekvador siońnia».
Karea ŭ kancy kastryčnika adpravicca ŭ čarhovuju aficyjnuju pajezdku. Jon naviedaje Rasiju, Biełaruś i Francyju. Aficyjny vizit Karea raspačniecca 28 kastryčnika z naviedvańnia Sankt-Pieciarburha.
«U Minsk jon prybudzie 31 kastryčnika ŭ ramkach vizitu ŭ adkaz: Alaksandr Łukašenka naviedvaŭ Ekvador u červieni 2012 hoda. Ekvadorski lidar asabliva vydzialiŭ technałahičny patencyjał i čałaviečy talent naroda Biełarusi», - piša vydańnie.
Rafael Karea na dzieviać hadoŭ maładziejšy za Łukašenku, jon naradziŭsia 6 krasavika 1963 h. Skončyŭ Univiersitet Ilinojsa ŭ Čykaha (ZŠA).
Pieršy raz na prezidenckich vybarach pieramoh u 2006 h., druhi raz — u krasaviku 2009 h., treci — u lutym 2013 h.
Uvosień 2010 h. Karea ledź nie byŭ zrynuty ŭ vyniku narodnych pratestaŭ.
Rafael Karea zajaviŭ pra budaŭnictva ŭ Ekvadory «sacyjalizmu XXI st.» u 2006 h. U 2008 h. jon admoviŭsia płacić pa hłabalnych mižnarodnych pazykach, nazvaŭšy heta amaralnym. U 2010 h. nacyjanalizavaŭ naftavyja radoviščy ŭ krainie.
Karea taksama daŭ prytułak zasnavalniku «Vikiliks» Džulijanu Asanžu i biełaruskaha ŭciekaču Alaksandru Barankovu.
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary