Padčas svajho «najbližejšaha vizitu ŭ Azierbajdžan» Alaksandr Łukašenka maje namier abmierkavać z prezidentam hetaj krainy Ilchamam Alijevym šyroki śpiektr pytańniaŭ dvuchbakovaha supracoŭnictva.
Pra heta biełaruski kiraŭnik paviedamiŭ 21 kastryčnika ŭ Minsku na sustrečy z kiraŭnikami niekatorych ŚMI krain SND.
Łukašenka nahadaŭ, što z mnohimi lidarami krain SND u jaho ŭstanaviłasia dobraja tradycyja štohod sustrakacca i kantralavać vykanańnie raniej dasiahnutych damoŭlenaściaŭ na vyšejšym uzroŭni. Heta padšturchoŭvaje da pracy vykanaŭcaŭ, a ŭ vyniku dyskusij na ŭzroŭni kiraŭnikoŭ dziaržaŭ źjaŭlajucca novyja kirunki supracoŭnictva, miarkuje jon.
Što tyčycca adnosinaŭ Biełarusi i Azierbajdžana, to ŭ ich, pavodle słoŭ Łukašenki, niama zakrytych tem.
Jon paprasiŭ pieradać Ilchamu Alijevu vinšavańni ź pieramohaj na prezidenckich vybarach. «Ja jaho čakaju ŭ Minsku. My ź im parazmaŭlajem pra niekatoryja prablemnyja pytańni, i heta budzie niejkaja papiaredniaja razmova napiaredadni majho vizitu ŭ Azierbajdžan», — skazaŭ Łukašenka.
«My budziem vieści dyjałoh, kali ja pryjedu ŭ Baku, pa ŭsich kirunkach: ad vajenna-techničnaha supracoŭnictva da pytańniaŭ enierhietyki», — dadaŭ biełaruski kiraŭnik.
Kamientary