Takaja damoŭlenaść dasiahnuta padčas pieramoŭ 5 listapada ŭ Ašchabadzie Alaksandra Łukašenki z prezidentam Turkmienistana Hurbanhuły Bierdymuchamiedavym.
Jak paviedamlaje pres-słužba prezidenta Biełarusi, Łukašenka zaprasiŭ spartsmienaŭ Turkmienistana čaściej pryjazdžać u Biełaruś nie tolki dla spabornictvaŭ, ale i z metaj sumiesnaj padrychtoŭki ź biełaruskimi spartsmienami. Prezident Turkmienistana pryniaŭ hetuju prapanovu.
«My čakajem istotnuju aktyvizacyju dvuchbakovych spartyŭnych suviaziaŭ, asabliva paśla padpisańnia padčas hetaha vizitu čarhovaj dvuchhadovaj prahramy supracoŭnictva ŭ hetaj śfiery», — zajaviŭ Łukašenka.
Bierdymuchamiedaŭ pacikaviŭsia mierkavańniem Łukašenki ab tavaryskim matčy pa chakiei pamiž junackaj zbornaj Turkmienistana i kamandaj — pieramožcaj respublikanskich spabornictvaŭ «Załataja šajba», jaki adbyŭsia 4 listapada ŭ Ašchabadzie. «Ja ŭčora pahladzieŭ, praŭda, nie ŭvieś matč. Našy chłopcy, kaniešnie, maładziejšyja za vašych. Ale ja jak čałaviek, jaki krychu raźbirajecca ŭ chakiei, pavinien skazać, što vaša junackaja zbornaja — heta prystojnaja kamanda, — adznačyŭ biełaruski kiraŭnik. — Chaciełasia b ubačyć ich u Biełarusi, kab jany zhulali sa svaimi ravieśnikami».
Łukašenka, paviedamlaje jaho pres-słužba, daŭ vysokuju acenku pośpiecham Turkmienistana ŭ raźvićci chakieja:
«Ja nikoli nie dumaŭ, što tut, dzie letam tempieratura plus 45 hradusaŭ Celsija, mohuć za taki karotki čas pabudavać ladovyja pałacy i navučyć ludziej hulać u chakiej».
Vizit Łukašenki ŭ Turkmienistan zaviaršyŭsia viečaram 5 listapada.
Kamientary