Jeŭropa prahapiła pavarotny dla Ukrainy momant, tak, jak u 2010-m hodzie jana pravaroniła padpisańnie Biełaruśsiu Mytnaha sajuza z Rasijaj.
Ministr zamiežnych spravaŭ Šviecyi Karł Bilt dumaje, što Rasija moža stać ułaśnikam stratehičnych abjektaŭ ukrainśkaj ekanomiki.
Pro heta jon zajaviŭ u Instytucie Brukinhsa ŭ ZŠA, dzie kala 100 asobaŭ sabralisia na kanfierencyju pa Uschodnim partniorstvie, pieradaje internet-partał «Ukrainskaja praŭda».
«My pakidajem našy dźviery adkrytymi dla Ukrainy. Ale heta rašeńnie Ukrainy — uvachodzić u tyja dźviery ci nie», — prakamientavaŭ jon rašeńnie Kabmina prypynić padrychtoŭku da padpisańnia damovy pra asacyjacyju ź ES.
Bilt prahnazuje, što prezident Ukrainy Viktar Janukovič atrymaje hrošy ad Rasii na śpiecyjalnych umovach: «Rasija moža stać ułaśnicaj stratehičnych abjektaŭ ukrainskaj ekanomiki».
Kiraŭnik MZS Šviecyi ličyć, što admova Ukrainy ad asacyjacyi spynić madernizacyju Ukrainy.
Jon vykazaŭ niepakoj, što paśla rašeńnia Janukoviča «Ukraina idzie nie na Uschod i nie na Zachad, a ŭniz. Praz prablemy ŭ ekanomicy».
Nahadajem, što ŭ čaćvier urad Ukrainy vyryšyŭ prypynić praces padrychtoŭki da padpisańnia damovy pra asacyjacyju ź ES.
Apytanka
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary