Biełaruskija kiroŭcy spravakavali masavuju aŭtaavaryju pad Biała-Padlaskaj.
Pjany kiroŭca aŭtavoza, hramadzianin Biełarusi, 27 listapada ŭ 21.30 staŭ pryčynaj darožnaha pierapałochu niepadalok ad horada Biała-Padlaska ŭ Polščy, paviedamlaje auto.tut.by.
27-hadovy kiroŭca aŭtavoza Volvo, jaki pieravoziŭ 6 lehkavych aŭtamabilaŭ Hyundai, ruchajučysia pa trasie, abjazdžaŭ pryparkavany z parušeńniami aŭtaciahnik MAN — fura stajała častkova na ŭzbočynie, častkova — na prajeznaj častcy.
Aŭtovoz začapiŭ furu, paśla čaho źjechaŭ u kiuviet i zajechaŭ u les, paviedamlaje lublin112.pl.
Ad sutyknieńnia z MAN u aŭtavoza adlacieła koła, jano vykaciłasia na pałasu sustrečnaha ruchu i ŭrezałasia ŭ Audi. Śledam u Audi zajechaŭ jašče adzin aŭtamabil — Renault.
Na miesca zdareńnia byli vyklikanyja ratavalniki, jakija vyzvalali prajeznuju častku i dapamahli vyciahnuć aŭtovoz na darohu. Kiroŭca aŭtavoza byŭ dastaŭleny ŭ špital ź niaznačnymi traŭmami.
Palicyja aštrafavała dalnabojnika ź Biełarusi, kiroŭcu MAN, za parušeńnie praviłaŭ prypynku i stajanki.
A kiroŭca aŭtavoza Volvo — taksama hramadzianin Biełarusi — ź lakarni adpraviŭsia ŭ palicejski ŭčastak i byŭ zatrymany: lekary zafiksavali ŭ jaho zvyš 2,0 pramile ałkaholu ŭ kryvi.
Kamientary